Перейти к основному содержанию
урф-адетлеримизни унутмайыкъ

 

Али Умеров 1909 сенеси октябрь 25-те чокъ балалы къорантада дюньягъа кельди. Онынъ бабасы бербер олып чалыша эди.
 
1923 сенеси Кезлевдеки башлангъыч мектебини битирип, Али окъувыны девам эттирмеге арзу эте. Бабасы онынъ ниетине къол тутмагъа разы ола. Озюнинъ акърандашларындан Акъмесджиттеки Тотайкой мектеби (педтехникумы) акъкъында хабери ола. Мында кирмек ичюн о, Акъмесджитке келе. 1929 сенеси Акъмесджит педтехникумыны мувафакъиетле битире ве Акъмечет районынынъ (Черноморское) Отуз коюнинъ мектебинде оджа олып чалыша. Куньдюз балаларны, акъшам исе буюклерни окъута эди. Сонъра Сакъ районынынъ Актачи коюнинъ мектебинде оджалыкъ эте, Сакъ химзаводы янында ФЗУнинъ мудири вазифесинде чалыша. Лякин онынъ бильги севиеси оны къанаатлендирмей ве 1934 сенеси Али Москвагъа кете. Кириш имтианларыны берип, Москва институтынынъ фельсефе, эдебият ве тарих факультетине окъумагъа кире. Экинджи курста олгъанда о, Москванынъ Фрунзе районында ерлешкен 22-нджи санлы мектебинде оджалыкъ япты. 1935 сене язда Кезлевге къайта ве тиббият рабфакультетинде окъугъан Асибе къызгъа эвлене. Кузьде Али кене Москвагъа къайта.
 
Лякин эвден хайырсыз хабер келе. Агъасы Абдуреим, бираз вакъыт кечкен сонъ исе анасы кечине. Бабасы иле анълашып, институтынынъ гъиябий болюгине авуша ве Кезлевге къайтып, 1937 сенесинден башлап 3-нджи санлы татар мектебинде тарих ве география дерслерини алып бара. Бу вакъытлары о, эм окъуй, эм де чалыша.
 
1939 сенеси январь айында девлет имтианларыны тапшыра, онъа кучюк ильмий хадими ве тарих оджасы унваны бериле. 1939 сенесининъ август айындан башлап о, 3-нджи татар мектебининъ мудири вазифесине тайин этиле. Бу мектепте Али экинджи джиан дженкининъ башланувына къадар чалыша. Дженк башлангъан сонъ Черномор флоты болюклерининъ бирине ёлланыла. Геленджик шеэрининъ бомбаланувы нетиджесинде яралана. Къырымнынъ ве Кезлевнинъ немселерден бошатылувыны бильген Али оджа, Кезлевде яшагъан къорантасына мектюп яза ве пара ёллай, лякин он беш кунь кечкен сонъ мектюп ве пара кери къайта. Бир къач вакъыт кечкен сонъ о, къорантасындан мектюп ала. Шу мектюп «Озьбекистан ССР, Пайарык районы, Ворошилов адына колхоздан» келе. Али оджа къырымтатар халкъынынъ, озь къорантасынынъ фаджиалы такъдири, кучюк огълунынъ олюми акъкъында хабердар ола.
 
1944 сенеси август айында Али Умеров арбий болюгинден иштен чыкъарыла ве Самаркъандкъа ёл ала. Мында о озь къорантасынен корюше. Сентябрь 1944 сенеси мектепке ишке кире, лякин эки афтадан сонъ оны офицер оларакъ 25-нджи санлы район мектебине арбий дерслерининъ алып барыджысы ве география оджасы вазифесине авуштыралар. 1944-1945 сенелери мектеп мудири муавини вазифесинде чалыша.
 
* * * * *
 
Али Умеров родился 25 октября 1909 года в многодетной семье. В 1923 году, закончив Евпаторийскую начальную школу поступает в Тотайкойский педтехникум. После окончания, которого с 1929 года начинает преподавать в деревне Отуз Черноморского района. Днем он учил детей, вечерами взрослых.
 
Преподавал в деревне Актачи Сакского района, был назначен директором ФЗУ при Сакском химическом заводе. В 1934 году едет в Москву и поступает в Московский институт философии на историко-литературный факультет. Параллельно с учебой преподает в средней школе №22 города Москвы.
 
В 1937 году Али Умеров переводится на заочное отделение и возвращается в Евпаторию, где преподает историю и географию в школе.
 
В 1939 году сдаёт гос. экзамен и ему присваивают звание младшего научного сотрудника и преподавателя истории. Через некоторое время становится директором школы.
 
С началом ВОВ его направляют на Черноморский флот. После депортации работать в школе военруком и преподавателем географии, а уже в 1945 г. становится директором школы.
 
Аяты ве фаалиети акъкъында:
О жизни и деятельности:
 
1. Баталова Н. Учитель! Перед именем твоим…: [Об отце, директоре средней школы № 3 (татарской) г. Евпатории до войны Али Умерове] // Голос Крыма. – 1999. – 17 дек. – С. 3.: фото.

Категория

Источник
http://www.kitaphane.crimea.ua/