Перейти к основному содержанию
урф-адетлеримизни унутмайыкъ

 

ЧОБАН-ЗАДЕГЕ
Алданма, эй джигит, эля козьлерге, 
Инанма, къапылма татлы сёзлерге.
 
Козьлер де, сёзлер де ялан коп айтар 
Яшавдан бездирир, юрегинъ къайтар.
 
Джигит, сен къавий бол, шай бирден авма, 
Яланджы бир джангъан къул (куль) болып къалма.
 
Ираде къамчынъ къолынъда турсын, 
Джашлыгъы ойнагъан юрегинъ урсын.
 
Бильмезсинъ, алтынмы, тунчымы, бакъырмы? 
Я да асылсыз бир тап-такъырмы?
 
Тартарсынъ, тартарсынъ, мойсанъ да сынар, 
Булангъан бир сувдай омрюнъ де тынар.
 

Категория

Источник
http://anaurt.com