Перейти к основному содержанию
урф-адетлеримизни унутмайыкъ

 

НЕ САКЪЛАНДЫНЪ О КЪАДАР?
Алла, Алла, татар къызы, не сакъландынъ о къадар? 
Башынъа джапкъан шали шалынъ тамам бир джайлав къадар,
 
Сувукъмы ёкъсам авасы, эскен боран къаякътан? 
Устюнъдеки пичимсиз къафтан тамам келе тобукътан.
 
Чыкъ да талийинъ талап эт, къар шыкъырдай окюртип, 
Отурасынъ эвинъизде сачынъ-башынъ копюртип,
Сагъа сёз къатсам, джевабы ёкъ, тильсиздай этип кулесинъ, 
Эвден чыкъмай отурасынъ, коп шайтанлыкъ билесинъ.
 
Болды энди отургъанынъ, дёрт ягъынъа бир къара, 
Сенинъ алдынъда джолынъны кескен джыкъылды энди о къора,
 
Кир мектепке, сен де окъу! Сагъа керек окъумакъ. 
Сенинъ ичюн иш тугуль ялынъыз кетен токъумакъ.
 
Бабанъ, ананъ мектеп сенинъ, сени инсан этеджек, 
Фильджан тюбюнден фал къарамакъ энди сенден кетеджек.
 
Татар ярын яшамакъны сенден умют этеджек, 
Энди сенсинъ джуйрюгинъмен алдымызда кетеджек.
Март 15, 1918, Акъмесджит
 

Категория

Источник
http://anaurt.com