Перейти к основному содержанию
урф-адетлеримизни унутмайыкъ

 

***
Бекир, сен зайыфсынъ, къарувынъ къайткъан, 
Анань бешигинъде тылсымлар айткъан; 
 
Сен бир тар кольдесинъ, бакъалар достынъ, 
Энъ чапкъан вакътынъда шоларны оздынъ!..
 
Юксельдинъ коклерге, къамыштан юксек!.. 
Далгъанынъ сазлыкъ, сазлыкъ тюбюнеджек!.. 
 
Бильмиймен, баш дуванъ макъбул болурмы?.. 
Такъдирмен ольмектен башынъ къутулурмы?.. 
 
Йигитлик тилегинъ, ачувынъ уфакъ... 
Юртунъда къая ёкъ, сувлары къургъакъ... 
 
Кичкене тавлардан вулканлар чыкъмаз, 
Алчачыкъ агъачны йылдырым якъмаз...
 
Ялынъыз бир шейинъ — йигитлик малынъ: 
Къутарса къутарыр яныкъ къавалынъ!..
 
Апрель,  1922, Акъмесджит.

Категория

Источник
http://anaurt.com