Перейти к основному содержанию
урф-адетлеримизни унутмайыкъ

 

Джеваире (Меджитова) 1913 сенеси Къырымнынъ Керчь бетиндеки Чалтемир коюнде догъды. Кой мектебини, сонъра Ялта педагогика техникумны битирди. 1934-1935сенелери Керчь шеэрдеки Войков адына маден заводы янындаки мектепте оджалыкъ япты. 1935-1939 сенелери Акъмесджит педагогика институтынынъ къхырымтатар тили ве эдебияты факультетинде окъуй ве фольклорнен меракъланып башлай. Онынъ ильки шиири «Яш къувет» газетасында басыла. Институтыны битирген Джеваире А.С.Пушкин адына Тиль ве эдебиат ильмий-тедкъикъат институтына ишке ёлланыла. Анда къырымтатар фольклорнен огъраша.

Апансыздан башлагъан дженк яш истидаткъа ильмий-тедкъакъат ишлеринен мешгъуль олмагъа кедер эте. О койге кетип, оджалыкъ япмагъа меджбур ола. Сюргюнлик башлагъанда Джеваире Керчь районы Такъыл кой мектебининъ директоры эди. О Ташкент виляетининъ (Озьбекистан) Орджоникидзе районына келип тюше. Лякин, онъ озъ зенааты боюнджа чалышмагъа мусааде этмейлер. Нетидже «Ташпродмаш» заводында чалышмагъа меджбур ола. Сонъра о, халкъымыз топлу оларакъ яшагъан Чырчыкъ шеэрине коче. Андаки къырымтатр балалары чокъ окъугъан мектеплерде чалыша.

Джеваире сюргюнлик йылларында «Унутылмаз свифелер»(1970), «Ешиль япракъ»(1974), «Омюр сазым»(1980), «Хаял чечеклери»(1989) адлы шиирлер, балладылар, поэмалар джыйынтыкъларыны чыкъарды.

Джеваире 1992 сенеси сентябрь 4-те иджретте вефат этти.

Категория

Источник
http://anaurt.com