Джевапсыз

(Муз. Марлена Сеттарова)

 

1.

 

Сурьатлы шеэр токътамай, 

Вакъытны озды онынъ сеси. 

Амма авелеп оламай 

Джамларда булутларнынъ акси. 

 

Не вакъыт ренксиз шеэрни 

Шенъ, гузель баарь боялайджакъ?! 

Серт аяз сарды эр ерни - 

Сен къайтсанъ, баарь да къайтаджакъ! 

 

Пр. 

Чагъырсам сени, джевапсыз 

Бошлукъкъа дёне меним сесим. 

Элемим артты эсапсыз. 

Къайт, меним дживаным, баарим.

 

 

2.

 

Къасевет толу козьлерде -

Янымдан акъа халкъ озени.

Баарьге севда шеэрге

Мелевше де чагъыра сени.

 

Не вакъыт ренксиз шеэрни 

Шенъ, гузель баарь боялайджакъ?! 

Серт аяз сарды эр ерни - 

Сен къайтсанъ, баарь да къайтаджакъ!