Перейти к основному содержанию
урф-адетлеримизни унутмайыкъ

 

Bu Qirimda kisi yoq, soldatliqqa ketecek
 
Bu Qirimda kisi yoq,
Soldatliqqa ketecek.
Alagaçni kördiñmi?
Basimizga cetecek.
 
Söz aytmaga olmaysiñ,
Köz aldiñda daragaç.
Oldi endi olacaq,
Otqa cansin alagaç.
 
Yolga çiqsam, toñaman,
Ayagim-qolum yalangaç.
Harap etti Qirimni,
Otqa cansin alagaç.
 
Canim, anam, qaraçi,
Onbasi niçün bagira?
Golova cüre ev-saytin
Pyankege çagira.
 
Taqatim ketti belimden,
Üyim nasil aqlayim?
Canim, balam, ketiñiz,
Endi qatip saqlayim?
 
Içime siygan ballarim,
Dünyaga siymadi.
Asker ketmey agladi,
Köz yasini tiymadi.
 
Azbardan çiqsa çibirsip,
Örüske siymay mallari.
Qizil bilet qolunda –
Salte bayniñ ballari.
 
Ayaqqa etik tiktiler,
Bogurdagin tar etip.
Soldat aldi padisa,
Anaylarni zar etip.
 
Aruv Qirim yaslari
Siqtirmaçni kiyalmay.
‘Vstavay, soldat’ – degende,
Köz yaslarin tiyalmay.
 
Kazarmaniñ qapisin 
Aylana da cüremiz.
Qazaninda qaynagan,
Domuz etin köremiz.
 
Çoq calbardiq bayarga,
Slâga bizni cibermiy.
Ne rastkelse asaymiz,
O da bizge elvermiy.
 
Cañi ay tuvar caltirap,
Taleke kelir saltirap.
Zabitlerniñ aldinda 
Biz turamiz qaltirap.

Категория

Источник
http://medeniye.org/