Перейти к основному содержанию
урф-адетлеримизни унутмайыкъ

 

Фатима оджа 1909 сенеси Къырымнынъ Маяксалын районындаки Сараймен коюнде дюньягъа кельди. Балалыкътан оджалыкъ зенааты акъкъында хаял эткен Фатима 1933 сенеси Къырым девлет педагогика институтыны битирди. Бундан сонъ о, 1934 сенесининъ декабрь айындан башлап, 1941 сенеси сентябрь айына къадар Акъмесджиттеки 13 санлы орта виляет теджрибели-нумюнели мектепнинъ мудири оларакъ чалышты. Бир чокъ адамларнынъ хатырлавларына коре, бу мектеп Къырымда къырымтатар тилинде окъутылгъан энъ эйи мектеп олгъан. Теджрибели ве окъумыш оджаларда тасиль алгъан эм де салмакълы педагогик азырлавны корьген мектеп мезунлары Къырымнынъ башлангъыч сыныфларында оджа олып чалыштылар. Фатима Къадымуллаева миллий медениет, санат ве маарифимиз саасында белли олгъан бир сыра языджы, артист, журналист, эким ве оджаны тербиелеген эди. Оларнынъ эписи Фатима оджаны буюк ве самимий миннетдарлыкънен хатырлайлар. Акъикъатен де, Фатима оджа буюк тербиеджи, къырымтатар тили ве эдебияты боюнджа теджрибели мутехассыс олгъан эди. Языкъ ки, Фатима Къадымуллаевагъа ана-Ватангъа къайтып, сонъки йылларыны тувгъан Сарайменде отькермек къысмет олмады. Озь талебелернинъ севимли оджасы 1986 сенеси ОзьбекистаннынъСамаркъанд виляетиндеки Ингичка къасабасында эбедий козь юмды.
 
* * * * *
 
Фатиме Кадымуллаева родилась в 1909 в деревне Сараймен (). С детства мечтавшая стать педагогом, Фатима в 1933 году заканчивает Крымский государственный педагогический институт и, с 1934 по 1941 года работает директором образцово-показательной школы №13 города Симферополя.
 
Эта школа была одной из лучших школ с крымскотатарским языком обучения в Крыму. Ученики этой школы получали знания у опытных и высококлассных преподавателей. В этой школе учились многие, ставшие затем знаменитыми, деятели искусства и культуры, артисты и журналисты, врачи и учителя.
 
Фатиме Кадымуллаева была очень опытным педагогом, специалистом крымскотатарского языка и литературы.
 
Аяты ве фаалиети акъкъында:
 
1. Муртазаев В., Мухтеремов Ш. Яшнен яш, къартнен къарт: [Ф. Къадымуллаева акъкъында] // Ленин байрагъы. – 1958. – Июль 17. – С.4.
 
2. Кадымуллаева Фатима // Урсу Д.П. Деятели крымскотатарской культуры (1921-1944): Биобиблиогр. словарь. – Симферополь: Доля, 1999. – С. 110.
 
3. Маариф ишлери: Фатима Къадымуллаева (1909-1986) // Янъы дюнья. – 2004. – Окт. 2. – С. 3.

Категория

Источник
http://www.kitaphane.crimea.ua