Перейти к основному содержанию
урф-адетлеримизни унутмайыкъ

Ana tili



Doğğan yeriñ Qırım seniñ,

Er tilniñ bar doğğan yeri.

Doğğan yeriñ kibi dulber,

Acayipsiñ, Ana tili!



Halqım kibi epkin, usta,

Hızmettesiñ kunü-tunü.

Çeber yigit, qızlarday

Ğayretlisiñ, Ana tili!



Fenden seni ayırsa da,

Asırlarnıñ afat yeli,

Aşıq Umer, Kerem kibi

Ebediysiñ, Ana tili!



Boğazıña yapışsa da,

Sırt zulumın qanlı eli,

Çoqundırğan çağında da

Çoqunmadıñ, Ana tili!



Otqa attı, yerge qattı,

Ne yapmadı ötmiş saña!

Otqa kirip, külden çıqtıñ

Sen halqımnı yaşatmağa.



Zindanlarğa taşladılar

Halqım ile birge seni.

Aqqa işanç, iradeñni

Yoq etmediñ, Ana tili!



Bu dünyanıñ incisidir

Menim aziz tuvğan İlim.

Sen olmasañ, men de yoqım…

Biñ yaşayıq, Ana tilim!

Категория

Источник
http://emine.ws/ana-tili/