Перейти к основному содержанию
урф-адетлеримизни унутмайыкъ

 

Къыдырма кяр ве зарарны...
 
Ашыкъмайып кеткен ёлда, сени бири, 
тап сюрюне берип, озды.
Санъа ондан не кяр ве не зарар?
 
Аякъ басып тургъан бир аркъанда 
олгъан богъумларны да башкъасы чезди.
Санъа ондан не кяр ве не зарар?
 
Ягъмур ягъар, ирип кетер беяз къарлар - 
топракъ ютум-ютум татлы сувгъа тояр,
Акъибетте пишер махсул-мейвалар.
Ондан олур файда, олур бир кяр.
 
Чюрюк дильден саф къальплерге зеэр тамлар.
Яман лафкъа, ынджынувгъа юрек чыдар,
Инъильтини алып кетер кучьлю рузгяр -
Дуярсынъмы?... Буюк бир зарар.
 
Давранмасанъ, сема сени эп чагъырса,
Мавы кокке котермесенъ озюнъни,
Бири озды, бири енъди, деп айткъанда,
Бармы мана? Къыдырма кяр ве зарарны...

Категория

Источник
http://anaurt.com