Перейти к основному содержанию
урф-адетлеримизни унутмайыкъ

 

Къарасувбазарда руханийлер къорантасында дюньягъа кельген Номан Шейх-заде башлангъыч мектеп ве рушдиеден сонъ, 1914-1916 сенелери Багъчасарайда «Зынджырлы» медресесинде окъуды. Сонъра Тюркиеге кетип, 1916-1918 сенелери окъувыны Стамбулда «Мерджан» медресесинде девам эттирди. Къайтып кельген сонъ 1920-нджи сенелернинъ башындан Къарасувбазарда оджалыкъ япты. 1928 сенеси къалемдеш досту оджа Умер Юнусовнен бирликте мектеп талебелери ичюн латин арифлеринен «Ильк адым» ве «Енъи ёл» адлы эки дерслик чыкъара. Бу саада гъайретнен чалышкъан бу эки теджрибели оджа 1929 сенеси бир дерслик даа чыкъаралар. Бу дерсликлерни чыкъарувда оларгъа «Янъы тюрк элифбеси джемиети»нинъ кятиби шаир А.Лятиф-заде буюк ярдымда булуна.
 
1932 сенеси Номан Шейх-заде Къырым педагогика институтынынъ къырымтатар тили ве эдебияты факультетине гъыябий болюкке окъумагъа кире ве 1937 сенеси институтны аля дипломнен битире. Айны шу йылы онынъ бабасы къапалып, сюргюн этиле, шунынъ ичюн о, Къарасувбазардан кетмеге меджбур ола. Бундан сонъ о, Джума-Эли, Джайлав койлеринде, Эски-Къырымда, Кефеде, Керчьте, Акъярда оджалыкъ япа.
 
Номан Шейх-заде айны вакъытта къалеми тюзгюн, истидатлы шаир, языджы эди. Лякин язгъан эсерлерини чокъ бастырып оламады. Юнусов Умер оджа  30-нджы йыллары бир кунь досту Номан Шейх-заденинъ эвине баргъаныны бойле хатырлады: «Эвине барсам, Номан кейфи бозукъ, башы тобен алда отура эди. Не бар, не олды, деп сорасам: «Бакъ бу эльязмаларгъа, бу Алим акъкъында язгъан зсеримдир, не япайым мен буларны?!» – деп кошеде дагъылып, перишан алда яткъан бир оба эльязма кягъытларыны косьтерди. Мен онъа Акъмесджитте чалышкъан А.Алтанълыгъа бармасыны тевсие эттим. О, анда барып: «Абдуреим, язгъан эльязмаларымны нешрияткъа алып барып беремен, манъа бир джевап бермейлер. Не басалар, не де къайтарып берелер. Эсерлеримни насыл бастырайым?» – деп сорагъан. Абдуреим онъа: «Номан, сен шейх огълусынъ, «лишён» баласысынъ, кимге шикяет этеджексинъ, иш башында яш коммунистлер, сенинъ сёзинъ кимсеге кечмез, башынъны белягъа къалдырма, бар эвинъе де, озюнъ пысып, агъызынъ къысып отур», – деген. Шу вакъытлары Номан Шейх-заде тарафындан «Акъ топракъта акъ олюм», халкъ эфсанеси эсасында «Арзы къыз» эсерини де язып, нешрияткъа теслим эткен эди. Айны заманда Номан Шейх-заденинъ «Кёр огълу» ве «Чорабатыр» адлы эсерлер язгъаны да малюм.
 
Оккупация вакътында Мусульман комитети азалары олгъан Н.Шейх-заде, Умер оджа Юнусов ве Садредин ве Эмир-Муса деген къарасувлы аркъадашлары дёрт киши олып, Къырымдан къачмагъа азырланалар. Чюнки олар Советлер кельген сонъ къапаладжакъларыны ве атта ёкъ этиледжеклерини биле эдилер. Н.Шейх-заде исе шу эки аркъадашынен берабер шу кетишнен та Германиягъа барып чыкъалар. Сонъра Германиядан Тюркиеге кетелер. Н.Шейх-заденинъ сонъундан чокъ йыл Стамбулда шеэр четинде «Дар-уль азиз» деген къартлар эвинде яшагъаны белли. Номан Шейх-заде 1956 сенеси Тюркиеде вефат эте.
 
* * * * *
 
Родившийся в семье священнослужителя Номан Шейх-заде после окончания начальной школы и рушдие в 1914-1916 гг. учится в Бахчисарае в Зынджырлы медресе. Затем едет в Турцию и обучается в медресе «Мерджан» (1916-1918). Вернувшись на родину, начинает преподавательскую деятельность в Карасубазаре. В 1928 году со своим другом Умером Юнусовым выпускает два учебника латинской графикой «Ильк адым», «Енъи ёл» (В подготовке учебников им помогает секретарь общества «Янъы тюрк элифбеси» поэт Абдулла Лятиф-заде).
 
В 1932-1937 гг. учится на факультете крымскотатарского языка и литературы в Крымском педагогическом институте. Отца Номана Шейх-заде арестовали и сослали в ссылку и, поэтому он вынужден был уехать из Карасубазара и начать преподавать в селах: Джума-Эли, Джайлав, в городах Старый Крым , Феодосия, Керчь, Севастополь.
 
Кроме того, что Номан Шейх-заде был талантливым педагогом, он был еще и талантливым поэтом и писателем.  Во время оккупации  был членом Мусульманского комитета. Опасаясь преследований, выезжает из Крыма в Германию, затем в Турцию. Последние годы жизни Н. Шейх-заде провел в Турции в доме престарелых «Дар-уль-азиз» и умер в 1956 году.
 
Азырлагъан дерсликлери:
Учебники:
 
1. Диний ёлбашчыларымыз насыл олмалы //Хидает. - 2004. - №11.
 
2. **Ilkı adım/ Şeih-zade N., Yunusof U., I. Cemaledınof: I-ncı basamaq tatar mekteblerının I-ncı gruppalarnda qullanılmasına musaade olundı.- Simferopol: Qırım Devlet Neşrıyatı,1932.- 84s.
 
3. Черик асыр: Дестан // Йылдыз. – 2004. – № 2. – С. 87-93.
 
4. Шейх-заде Н., Юнусов. Биринджи басамакъ мектеплери ичюн элифбе. – Акъмесджид, 1928. – 100 с. Арап уруф.
 
5. Шейх-заде Н., Юнусов. Янъы ёл: Элифбеден сонъ окъув китабы. – Акъмесджид, 1928. – 100 с. Арап уруф.
 
6. **Şeih-zade N., Yunusof U. Oqu yaz: Işcı ve kojlı elıfbası. = «Читай-пиши». Рабоче-крестьянский букварь/ Н. Шейх-заде, У. Юнусов.- Simferopol: Qrım Devlet Neşrıyatı,1929.- 104s.
 
7. **Şeih-zade N., Yunusof U. Qızıl yol: I-ncı basamaq mekteblernın 2-ncı gruppalarına yzre qabul olungandır. = Книга для чтения «Красный путь « Для 2-й груп.татшкол Iступени/ Н. Шейх-заде, У. Юнусов.- Sımferopol: Qrım Devlet Neşrıjatь,1929.- 151s.
 
8. Шейх-заде Н., Юнусов. Ишчи ве койлюлер ичюн олгъан «Окъу-яз» элифбе китабыны окъутмакъ ичюн ёл косьтериджи. – Акъмесджит, 1929. – 32 с.
 
9. **Şejx-zade N., Junusof U. Janь jol= Книга после букваря «Новый  путь»: I-ncı mekteblerde elıfbeden son oqutulmaq: Sımferopol: Qrьm Jan elıfbe merkezıj komıtetı neşrı: Sımferopol: Qrьm Devlet Neşrıjatь,1930.- 121s.
 
10. **Şejx-zade N., Junusof U. Oqu jaz: Işcı vt kojlı elıfbasь. = «Читай-пиши» Рабоче-крестьянский букварь/Н. Шейх-заде, У. Юнусов.- Sımferopol: Qьrьm  Devlet Neşrıjatь,1931.- 137s.
 
11. **Şejx-zade N., Junusof U. Ilkı adьm: I-ncı basamaq tatar mekteblerının ılkı basamaqlarьnda oqutьlmaq yzre QMK tarafьndan qabul ve tasdьq olьngandьr= «Ильки адым». Букварь.- Sımferopol: Qьrьm Devlet Neşrıjatь,1931.- 82s
 
12. **Şejx-zade N., Junusof U.Oqu jaz: Işcı ve kojlı elıfbasь = «Читий-пиши» Рабоче-крестьянский букварь/Н. Шейх-заде, У. Юнусов.- Sımferopol: Qьrьm Devlet Neşrıjatь,1932.- 86s.
 
13. Шевкъий Бекторе: Шиир // Йылдыз. – 1991. – № 1. – С. 59-60.
 
См. также:  // Йылдыз. – 1995. – № 5-6. – С. 177.
 
14. **Yanıyol: I-nci derece mekteblerde elifbeden son okutulmaq.- Simferopol: Qırım Yañı elifbe merkeziy komiteti neşriyatı: Qırımdevneşir, 1930.- 121 s.
 
Пер. загл.: Книга после букваря «Новый путь».
 
15. **Yaş udarnikler: Elifbadan soñ oquv kitabı: I-nci basamaq tatar mekteblerniñ I-nci gruppalarında qullanılmasına musaade olındı / Tertip etkenler N. Şeih-zade, U. Yunusof, K. Gemaledinof.- Simferopol: Qırımdevneşir, 1932. –102s.
 
Аяты ве фаалити акъкъында:
О жизни и деятельности:
 
1. Фазыл Р. Халкъ оджасы Номан Шейх-заде: (Догъгъанына 105 йыл толувы мунасебетинен) // Йылдыз. – 2004. – № 2. – С. 82-86.
 
2. Урсу Д.П. Бекир Чобан-заде. Жизнь. Судьба. Эпоха. – Симферополь: Крымучпедгиз, 2004. – 276 с.- См. имен. указ.
 
3. Фазыл Р. Халкъ оджасы Номан Шейх-заде // Фазыл Р. Ирмакълар. Эдебий макъалелер, очерклер, хатырлавлар, левхалар. – Симферополь, 2002. – С. 321-235.
 
4. Фазыл Р. Халкъ оджасы Номан Шейх-заде // Янъы дюнья. – 2000. – Окт. 21.
 
5. Шейх-заде Номан Абдулмеджитович // Урсу Д.П. Деятели крымскотатарской культуры (1921-1944 гг.): Биобиблиогр. словарь. – Симферополь: Доля, 1999. – С. 207-208.

Категория

Источник
http://www.kitaphane.crimea.ua/