Рефат Чайлакъ. БЕЯЗ ХАЯЛ

Ешиль яйля, беяз атлар, 

Къалды меним хаялымда. 

Ташлы ёллар, арабалар 

Сефа эди яш чагьымда.

Балалыгъым — беяз хаял, 

Мелевшели мор бир ялы. 

Ешиль багъча, кирез далы, 

Эвнинь арты — таш-къаялы.

Бугунъ башым пек хаталы, 

Къайда къалды беяз хаял... 

Такъдир фена, не япмалы, 

Танъры язгъан бойле бир ал.

Хасталыкъкъа теслим олмам, 

Мен такъдирнен куреширим. 

Дост-эшимден артта къалмам, 

Акъсызлыкъны мен эшерим.