Перейти к основному содержанию
урф-адетлеримизни унутмайыкъ

Qırımtatar tili



Er tilniñ bar ozcesine

Guzelligi, tuvğan ili.

Qırım yarım adasınday

Dülber qırımtatar tili.



Cıyınlarda çıñ aytqanda,

Til sınaylar qızlar bile.

Kelinçekday gul çıraylı

Guzel qırımtatar tili.



Halqnıñ kibi cesürsiñ sen.

İşleysiñ kuç-ğayret ile.

Gurlep aqqan Salğırdayın

Epkin qırımtatar tili.



Asırlarnı keçip kelgen

Eñ qadimiy türkiy tili,

Hanlar saña secde etken

Mağrur qırımtatar tili.



Aşıq Umer sazın çalıp,

Kezgen yırlap seniñ ile.

Aşıqlarnı meftün etken 

Otkür qırımtatar tili.



Tilniñ qurtı Çoban-zade

Qurşunlarnen atılsa da,

Seni maqtap yazdı daim,

Ozgün qırımtatar tili.



Şemi-zade kibi saña

Eykel tikken şair bile

Toyalmadı lezetiñe,

Tatlı qırımtatar tili.



Kok batırı Amet-han da

Yır uydurıp yırlay edi.

Coşqun yırğa pek kelişken

Zengin qırımtatar tili.



Atsalar da, yıqsalar da,

Yıqılmadıñ halqıñ ile.

Yoq olmadıñ, qaviy turdıñ,

Cesür qırımtatar tili.



Tapsa da seni qıymay

Sürgünlikniñ afat yeli,

Halqnen birge kureştiñ sen,

Batır qırımtatar tili.



"Tatarlığım, tuvğan yerim"! –

Dep yırlağan neslim, ilim.

Oler – senden halq vazgeçmez,

Olmez qırımtatar tili.



Ey, Ana til, biz ogüñde

Tiz çökemiz bile-bile.

Oñğanıñnı korse edik,

Aziz qırımtatar tili.

Категория

Источник
http://emine.ws/ana-tili/