Перейти к основному содержанию
урф-адетлеримизни унутмайыкъ

 

АЙТ, ЧАТЫРТАВ!
Айт, Чатыртав, сырынъы, чокъмы дердинъ? 
Бекчисисинъ бу ерде бир къудретнинъ. 
Сюйрип чыкътынъ коклерге, акъ булуткъа, 
Танышсынъ сен бу эски, оксюз юрткъа. 
Коп яшадынъ, коп корьдинъ, коп чектинъ бельк 
Сен бир тильсиз тарихсынъ — энъ эвельки.
Нелер отти башынъдан, коп яшынъдан,
Къайсы изни сорайым акъ ташынъдан?
Агъач кесип тавынъдан юртлар къургъан,
Кимди сенде бурунгъы иш буюргъан?
Козь яшынъмы башынъда агъаргъан туман?
Язда, къышта мунъсиреп, бюркюреп тургъан.
Башынъ, сачынъ агъаргъан, не кедер корьдинъ?
Къайдай къайгъы, къай дертмен дертленип юрдинъ?
Къай булутлар къарартып, юрегинъ якъты?
Къай къолларман силинди башынънынъ бахты?
Ким балталап тавынъны якъып йыкъты?
Къуртборюнъни ким къыстап, таргъа тыкъты?
Юрегинъде от бармы, тютюнинъ чыкъа?
Эрувинъ ёкъмы кенъ кокте, не джанынъ сыкъа? 
Куньтувуштан кочь этип, тобенъден отькен,
Кольгенъе къонып, коп вакъыт тынышлап кеткен.
Битсин дердинъ, тюкенсин, бир нефес ал,
Меним дертли халкъымнынъ багърында къал!

Категория

Источник
http://anaurt.com