Перейти к основному содержанию
урф-адетлеримизни унутмайыкъ

 

КЪРЫМ ДЖАГЪАЛАРЫ
 
Кок къарара, джель арта,
Толкъунларны къабарта.
Тыныш-тыныш джермен кок
Дерен толып ич тарта.
Окюне денъиз, копюре,
Окюрюклей, джекире,
Джернинъ къара бетине
Турмай шап-шап тюкюре.
Арткъа-арткъа тартылып,
Бир эпкинмен окътала,
Баш эталмай, сонъунда,
Парчаланып токътала.
Мына шимди бир къыздай
Сырынгъанда сырына,
Фыш-фыш юкълай джагъанынъ
Башын джастап къырына.
Кимер эриш баладай
Урунгъанда уруна,
Къатсенъ бавы табылмай,
Акъыл джетмей сырына.
(1922 с.)

Категория

Источник
http://anaurt.com