Перейти к основному содержанию
урф-адетлеримизни унутмайыкъ
Танъ аткъанда, бульбюль сайрай.
Мен козьлеримни ачам.
Аначыгъым, аначыгъым,
Сени чагъырам.
 
Анам, анам, бир данем, 
Меним гузель фериштем.
Изинъден аякъ басам,
Сёзюнъе къулакъасам.
 
Даима сен орьнегимсинъ.
Элинъден тутып кетем.
Дюньяда энъ къыйметлисинъ,
Меним бир данем.
 
Анам, анам, бир данем, 
Меним гузель фериштем.
Изинъден аякъ басам,
Сёзюнъе къулакъасам.
 
Хаста олсам – янымдасынъ
Куньдюз эм геджелери.
Яманлыкътан мени сакълай
Сенинъ эллеринъ.
 
Анам, анам, бир данем, 
Меним гузель фериштем.
Изинъден аякъ басам,
Сёзюнъе къулакъасам.

Категория

Источник
http://anaurt.com