Перейти к основному содержанию
урф-адетлеримизни унутмайыкъ

 

"Çojduq,git mektebe!"
Oqu,cail qalma,
Dünyada hor olma,
Ceennemde yanma,
Müfsitlerge qanma!
Çocuq, git mektebe,
Bulursıñ mertebe!
 
Dünyada er şey çoq,
İlimsiz, emek yoq,
Bilen er daim toq.
Deme sıcaq - cuvuq,
Çocuq, git mektebe,
Aq verir mertebe!
 
Yazı yazmaya ögren,
Yazıdır işi gören,
Odır yemen veren,
Seni güzel gören.
Çocuq, git mektebe,
Ara, bul mertebe!
 
İster iseñ savap,
Çalış, ögren esap,
Hazinedir kitap,
Cailliktir azab,
Çocuq, git mektebe,
Var, qazan mertebe.
 
Onsız dünyaharap
Olurdı, bil srap.
Ocañdan al cevap,
Bil, ol alicenap.
Çocuq, git mektebe,
Andan al mertebe! (1909 sene)
(Üsein Şamil Tohtarğazı (1883-1913ss)

Категория

Источник
http://anaurt.com