Перейти к основному содержанию
урф-адетлеримизни унутмайыкъ

 

"PARA"
Bu dünyada er şey para,
Başta - para, soñ baht ara.
Raat ister iseñ - para
Kerek para, para, para!
 
Din ögrenmek içn para,
Onı kütmek içün para,
Dünya bilmek içün para,
Kerek para, para, para!
 
Yatsañ para, qalqsañ para,
Doğsañ para, ölseñ para,
Sağ ve hasta olsañ - para,
Kerek para, para, para!
 
Er şeyle aletdir para,
Dünyada quvetdir para,
Ahrette cennetdir para,
Kerek para, para, para!
 
Durma, çalış, qazan para!
Soñ dünyada raat ara!
Onsız derler,yüzüñ qra,
Kerek para, para, para!
 
İç bir şey bilmez fuqara,
O bilir kimde var para,
Baq buña, düşün bir para,
Kerek para, para, para!
 
Alemle çoqtır ora-bur,
Er thl er.v ider para,
Kimden isterseñ sora,
Kerek para, para, para!
 
Tatarıñdır şimdi sıra,
Oqusun bizim fuqara,
Ögrensin bir üner, zir
Kerek para, para, para!
 
Vurma, Şamil, şeyhe yara,
Sen halqa sofulıq yora,
Yaramaz kendiñe, soñra -
Deli para, para, para!
 
Yoq, efendim, bu yayğara
Vaciptir aç köz baylara,
Demeli bugünden soñra -
Başıñdan qalsıñ para, para! (1910 sene)
(Üsein Şamil Tohtarğazı)

Категория

Источник
http://anaurt.com