Перейти к основному содержанию
урф-адетлеримизни унутмайыкъ

 

АНА ТИЛЬ
 
Сени мен бешикте тебреткен анамда таптым,
Сенмен мен дюньянынъ лезетин таттым.
Сен ачтынъ магъа догърулыкъ джолун, 
Сенмен кестим эр вакъыт душманнынъ къолун.
 
Сен татлысынъ, уйгъунсынъ, зенгинсинъ,
Эр дуйгъугъа, тюшюнджеге кийим пичесинъ,
Таныттынъ озюнъни асырлар боюнджа сефа сюрдинъ.
Вакъыт кельди ёрулдынъ, адымларынъ сийреклешти, 
Талып артта къалдынъ.
 
Джемиетмен бир кеталмадынъ, къартайдынъ.
Богъа мугъаймакъ болмаз,
Сенинъ тюсюнъ, иншаллах, солмаз.
Сени анълап кутькенлерге, юкъудан турсатып джурьгенлерге,
Бахтиярлыкъ тилиймен джан джуректен, 
Непесим питип, джан чыкъкъачы кевдемден...
 
ANA TİL
 
Seni men beşikte tebretken anamda taptım,
Senmen men dünyanıñ lezetin tattım.
Sen açtıñ mağa doğrulıq colun, 
Senmen kestim er vaqıt duşmannıñ qolun.
 
Sen tatlısıñ, uyğunsıñ, zenginsiñ,
Er duyğuğa, tüşüncege kiyim piçesiñ,
Tanıttıñ özüñni asırlar boyunca sefa sürdiñ.
Vaqıt keldi yoruldıñ, adımlarıñ siyrekleşti, 
Talıp artta qaldıñ.
 
Cemiyetmen bir ketalmadıñ, qartaydıñ.
Boğa muğaymaq bolmaz,
Seniñ tüsüñ, inşallah, solmaz.
Seni añlap kütkenlerge, yuqudan tursatıp cürgenlerge,
Bahtiyarlıq tiliymen can cürekten, 
Nepesim pitip, can çıqqaçı kevdemden...

 

Категория

Источник
http://anaurt.com