Перейти к основному содержанию
урф-адетлеримизни унутмайыкъ

 

 "Qırım" adına qırımtatar folklor ansambliniñ kontsertmeysteri
      
 
     Zemfira Mustafayeva 1996 seneden bu künge qadar Qırım cumhuriyet teşkilâtınına baqqan "Qırım" adına qırımtatar folklor ansambli"nde kontsertmeyster vazifesinde çalışa. O, 2007 senesi Qırım medeniyet, sanaat, turizm universitetiniñ "Muzıka sanaatı" bölügini bitirdi.
     Zemfira Mustafayeva özüne has muzıka qabiliyetile büyük icadiy quvetke malik olğan ve aynı zamanda yorulmaq nedir bilmegen şahıstır. Albu ise, meşğuliyetlerniñ  yüksek seviyede keçmesine ğıda bere. O, vokal pedagogikası usulını eyi bilgeni sebep, artistke eserlerni tüzgün icra etüvden ğayrı, er bir türküniñ yırlav  hususiyetini, obrazını tapa bilmesine yardım ete. Zemfira Mustafayeva özünde olğan büyük icadiy bilgisi sayesinde ve aqiqatta kendi zenaatınıñ saibi olğanı sebep, o yañı kontsert programmalarını azırlavda faal iştirak eterek, eñ mürekkep bediy meselelerni çezmege yardım ete. Kontsertmeyster qırım milliy medeniyetiniñ inkişafına  em de teşviqatına büyük isse qoşıp kelmekte.
     Zemfira Mustafayeva 20003 senesi HHH-ncı halqara  folklor  festivalinde iştirak etmek içün, "Qırım" ansambli erkânında Silifke şeerinde (Türkiye) bulundı. O turmadan kendi üzerinde çalışa, usanmadan mütehassıslıq ustalığı derecesini ep yükselte.
     Zemfira Mustafayeva özüniñ yüksek ahlâqiy hasiyetlnri ve keniş bilgisi ile. aqlı olaraq, kollektiv arasında büyük itibar qazanıp kelmekte.

Категория

Источник
http://qirim.com.ua/pages/item/zemfira-mustafaeva