Перейти к основному содержанию
урф-адетлеримизни унутмайыкъ
 
«Беринъиз атамнынъ къылычын манъа!»
 
Къальбимде хурриет атеши янар.
Беринъиз атамнынъ къылычын манъа!
Атымны сюрейим къанлы мейдангъа,
Беринъиз атамнынъ къылычын манъа!
 
Беринъиз! Къудретли дерьядыр гонълюм,
Туркстан ёкъ дие багъыргъан о ким?
Къаныны севген курешчи бир тюркюм,
Беринъиз атамнынъ къылычын манъа! 
 
Беринъиз! Тёкюльген къангъа къан ичюн,
Гуняхсыз юртумда ольген джан ичюн,
Кечмиш ве келеджек нам ве шан ичюн,
Беринъиз атамнынъ къылычын манъа!
 
Къальбимде хурриет атеши янар.
Беринъиз атамнынъ къылычын манъа!
Атымны сюрейим къанлы мейдангъа,
Беринъиз атамнынъ къылычын манъа!
 
Украина, 1941 с. Джынгъыз Дагъджы
(«Къырым» меджмуасы, №4, 1957 с. Анкъара)

Категория

Источник
http://anaurt.com