Перейти к основному содержанию
урф-адетлеримизни унутмайыкъ
Акъмесджит
Хатидже Мустафаева
 
Меним энъ тувгъан ерим,
Энъ севимли шеэрим,
О меним Акъмесджитим!
О, мен ичюн, - дженнетим!
 
Онынъ сокъакъларында,
Дагълар, багъчаларында
Кезе-кезе тоймайым,
Ондан безип олмайым.
 
Меним шеэрим гузель
Эм кунеш олса, эм ель;
Сувукъ олсун, эм сыджакъ -
Шеэрим эр вакъыт Акъ!
 
Шеэримнинъ озени
Салгъыр адлы. Озюни
Акъмесджитте акъа-акъа
Баштан сонунъа бакъа.
 
Онынъ ичюн язмагъа,
Тарихыны къазмагъа
башласанъ сонъу олмаз,
Эм де гузель сёз къалмаз!
 
"Гузельсинъ сен, шеэрим!
Дюльбер сенинъ эр еринъ!"
Истерим ки, меним эсим
Мында сонунъа кельсин!

Категория

Источник
http://anaurt.com