Перейти к основному содержанию
урф-адетлеримизни унутмайыкъ
Сахралар, озенлер ве дагълар кечтим, къавушмакъ ичюн,
Хатыра геджелернен юкъу бермеди, эп чекти санъа,
Бошаттым багълы элимни, догърулды эгильген боюн,
Амма кене огде маниа, кене бир сынав.
 
Не исе де, санъа къайттым, даим къавушырмыз, деп,
Мына-мына бахт гуллерим ачаджакъ эди меним багъчамда.
Ким анълар сени, кимлер север, ким охшар менден зияде?
Ким менден зияде яралар-агърыгъа чыдар?
 
Къайт манъа, мис къокъунъ, бульбюль тилимиз иле,
Къайт манъа тюслеринъ, кирамет дамларынъ иле,
Къайт манъа, багърыма, къальбиме, ичиме синъип, илле
Къайт чокъракъ, сув олуп, хорланма, етер, эджнебий эльде.
 
© 2014

Категория

Источник
http://mayesafet.wix.com/