Перейти к основному содержанию
урф-адетлеримизни унутмайыкъ
Sen barsıñmı dünyada...
 
Sen barsıñmı dünyada – oña razım.
Menim ümütsiz sevgim, menim arzum.
 
Yavaş eliñnen toqun omuzıma.
Nurlı nağmeler toqur gece maña.
 
Gül ğoñcesinden nazik seniñ teniñ.
Çeşme suvuñdan temiz seniñ sesiñ.
 
Sen barsıñmı dünyada – maña kâfi.
Kelseñ de hayallarğa ruya kibi.
 
(2006)
 
Сен барсынъмы дюньяда...
 
Сен барсынъмы дюньяда – онъа разым.
Меним умютсиз севгим, меним арзум.
 
Яваш элинънен токъун омузыма.
Нурлы нагъмелер токъур гедже манъа.
 
Гуль гъонъджесинден назик сенинъ тенинъ.
Чешме сувунъдан темиз сенинъ сесинъ.
 
Сен барсынъмы дюньяда – манъа кяфи.
Кельсенъ де хаялларгъа руя киби.
 
(2006)
Майе Абдулганиева

Категория

Источник
http://anaurt.com