Перейти к основному содержанию
урф-адетлеримизни унутмайыкъ
Догъды: XVI-нджи асыр
 
Вефат этти: XVII-нджи асыр
 
Озь девирининъ белли муневвери Мухаммед Шефикъ Кефевий Къырым падишалыгъынынъ шаркъ къысымында ерлешкен Кефе (Феодосия) шеэринде догъду, XVI-нджы юзйыллыкънынъ сонъунда. Балалыкъ чагъындан бильгиге меиль Берген Мухаммед, ильки тасильни догъмуш топрагъында, даа догърусы илим-фен ве айны заманда икътисадият джеэтинден баягъы илери кеткен Кефеде ала. Сонъра, окъувыны девам япмакъ макъсадында о, Конья шеэрине (Тюркие) барып чыкъа.
О мында белли дин эрбаплары – улемалары (алимлери) иле таныш ола, оларгъа якъынлаша, олар саесинде даа терен бильги чокърагъындан къана-къана сув иче… Нетиджеде, Мухаммед Шефикъ Кефевий буюк илим-фен басамакъларынынъ юкъарысына котериле. Онынъ язып къалдыргъан рисалелери – ильмий мирасы дерслик сыфатында дюньянынъ чешит иляхиет университетлеринде къулланылмакъта.
Мухаммед Шефикъ Кефевий мешур улема – алим олув иле бир сырада, о назм сатырлар яратув узеринде де кенди къалемини чалыштырды. Яъни, бу заты алийлери халкъ арасында фельсефий шаир оларакъ да беллидир.
Базы бир малюматларгъа коре Мухаммед Шефикъ Кефевий 1671 сенеси вефат этти. Аллахнынъ рахметинде олсун.
 
Диль риште-и хиляль олмадымы,
Шаесте-и икъбаль висаль олмадымы.
Кябиль-ми дегиль васлына ирма…
Бен къулуна ихсана меджаль олмадымы.
 
ЛУГЪАТ:
 
васлына – бирлешмек, къавушмакъ
висаль – севгиле къавушмакъ
диль – гонъюль; юрек; къальб
икъбаль – сеадет; бахыт
ихсан – эйилик япмакъ
кябиль – къабул
меджаль – фурсат; имкян
риште – йип
хилял – янъы ай
шаесте-и – ярашкъан

Категория

Источник
http://leylaemir.org/