Перейти к основному содержанию
урф-адетлеримизни унутмайыкъ
Osman Amit (1910 fevral 18 - 1942 mart 17) - qırımtatar şairidir.
Osman Amit 1910 senesi fevralniñ 28-nde Kezlev uyezdiniñ Deñiz Bayçı köyünde dünyağa keldi.
1923 senesi başlanğıç mektepni bitirgen soñ, Aqmescit nümüneviy Orta mektebinde oqudı. 1928 senesi Aqmescit pedagоgik institutına kirdi. Birinci şiir 1925 senesi “Yaş quvet” gazetasında basıldı. 1933 senesi “Birinci barazna” adlı şiirler kitabı çıqtı. 1941 senesi “Menim baarim” adlı ekinci kitabı çıqtı. “Küçük qardaşlarıma” serlevalı üçünci kitabı basmahanede qaldı, dünya yüzü körmedi. Cenk keder etti. Osman Amit “Yaş quvet” gazetasında çalıştı, soñra “Yaş Leninciler”, “Edebiyat ve kultura” mecmualarınıñ mesül sekretarı oldı. Şair Aleksandr Puşkin, Taras Şevçenko, İvan Krılov, Mihail Lermontovnıñ eserlerini qırımtatar tiline tercime etti.
Aktiv cemaatçı, oca ve şair Osman Amit 1939 senesi Qızıl Orduğa hızmetke çağırıldı. 1942 senesi faşist cellâtlarınıñ qolundan telef oldı.
 
Осман Амит (1910 февраль 18 - 1942 март 17) - къырымтатар шаиридир.
Осман Амит 1910 сенеси февральнинъ 28-нде Кезлев уездининъ Денъиз Байчы коюнде дюньягъа кельди.
1923 сенеси башлангъыч мектепни битирген сонъ, Акъмесджит нумюневий Орта мектебинде окъуды. 1928 сенеси Акъмесджит педагогик институтына кирди. Биринджи шиир 1925 сенеси "Яш къувет" газетасында басылды. 1933 сенеси "Биринджи баразна" адлы шиирлер китабы чыкъты. 1941 сенеси "Меним баарим" адлы экинджи китабы чыкъты. "Кучюк къардашларыма" серлевалы учюнджи китабы басмаханеде къалды, дюнья юзю корьмеди. Дженк кедер этти. Осман Амит "Яш къувет" газетасында чалышты, сонъра "Яш Ленинджилер", "Эдебият ве культура" меджмуаларынынъ месуль секретары олды. Шаир Александр Пушкин, Тарас Шевченко, Иван Крылов, Михаиль Лермонтовнынъ эсерлерини къырымтатар тилине терджиме этти.
Актив джемаатчы, оджа ве шаир Осман Амит 1939 сенеси Къызыл Ордугъа хызметке чагъырылды. 1942 сенеси фашист джеллятларынынъ къолундан телеф олды.

Категория

Источник
http://anaurt.com