Перейти к основному содержанию
урф-адетлеримизни унутмайыкъ

 

 

Şakir Selim "Bizim qorantamız" - Dilâra Abibullanıñ sesinenШакир Селим "Бизим къорантамыз" - Диляра Абибулланынъ сесинен

Qorantamız büyük degil,
Hepsi olıp on bir can:
Babam, anam, ağam, aptem,
Ayşe-Fatma ve Gülcan.

Ağam-Asan, aptem-Gülnaz,
Ayşe-Fatma- egizler.
Qorantada hepsi olıp
Altı balamız bizler.

Qartbabamnen bitam da
Bizim evde yaşaylar.
Bizler dayin her kün saba
Sütlü botqa aşaylar.

Qana bir daha sayayım:
Onmı ya da on bir can?
Babam, anam, ağam, aptem,
Ayşe, Fatma, men, Gülcan.

Qartbaba ve bitamnen- on...
Vay, yañıldımmı sayğanda?
A...a.. ayınmayıp yuqlağan
Pardoşımız qalğan da!

Къорантамыз буюк дегиль,
Хепси олып он бир джан:
Бабам, анам, агъам, аптем,
Айше-Фатма ве Гульджан.

Агъам-Асан, аптем-Гульназ,
Айше-Фатма- эгизлер.
Къорантада хепси олып
Алты баламыз бизлер.

Къартбабамнен битам да
Бизим эвде яшайлар.
Бизлер дайин хер кунь саба
Сютлю боткъа ашайлар.

Къана бир даха саяйым:
Онмы я да он бир джан?
Бабам, анам, агъам, аптем,
Айше, Фатма, мен, Гульджан.

Къартбаба ве битамнен- он...
Вай, янъылдыммы сайгъанда?
А...а.. айынмайып юкълагъан
Пардошымыз къалгъан да!

 

Категория

Источник
https://www.youtube.com/@QIRIMJR