Перейти к основному содержанию
урф-адетлеримизни унутмайыкъ
ALDATMADIM
 
Yanı sabam evelkinden
Farq etmeli,
Quşçıqlarnın şu acaip
Aenkinen!
O, göfilümni sevinçlerge
Garq etmeli,
Çeçeklernifi beyaz, sarı,
Al renkinen!
Sabam, mana taze ava
Aqımını,
Denizlerden ve dağlardan
Alıp kelsin!
Neni tapsa, sağlıq içün
Taqımını,
Toplaştırıp, cumertliknen
Mana bersin!
Vatanımda yaşaması
Ne de aruv
Qartlıq çağım kezdirgende
Yaş bir gönül!
Daa iç de terk etmedi
Meni qaruv,
Arzum kene dallandırmaq
Çeçek ve gül!
Ömürimde asiyliknen
Dostlaşmadım,
Öz işimde bayraq ettim
Elâllıqnı!
Satqın olıp düşmanlarnen
Uzlaşmadım,
Aldatmadım alçaq olıp
İlni, halqnı!..
Bundan son da öz yolumnın
Devamcısı,
olmaq menim en muqaddes
Intılışım.
Adalemin qalın, örme
Çum qamçısı,
Şıbalasm, eğer olsa
Bir qılmışım.
 
Yunus Temirkaya
 
АЛДАТМАДЫМ
Яны сабам эвелькинден
Фаркъ этмели,
Къушчыкъларнын шу аджаип
Аэнкинен!
О, гофилюмни севинчлерге
Гаркъ этмели,
Чечеклернифи беяз, сары,
Ал ренкинен!
Сабам, мана тазе ава
Акъымыны,
Денизлерден ве дагълардан
Алып кельсин!
Нени тапса, сагълыкъ ичюн
Такъымыны,
Топлаштырып, джумертликнен
Мана берсин!
Ватанымда яшамасы
Не де арув
Къартлыкъ чагъым кездиргенде
Яш бир гонюль!
Даа ич де терк этмеди
Мени къарув,
Арзум кене далландырмакъ
Чечек ве гуль!
Омюримде асийликнен
Достлашмадым,
Озь ишимде байракъ эттим
Эляллыкъны!
Саткъын олып дюшманларнен
Узлашмадым,
Алдатмадым алчакъ олып
Ильни, халкъны!..
Бундан сон да озь ёлумнын
Девамджысы,
олмакъ меним эн мукъаддес
Ынтылышым.
Адалемин къалын, орьме
Чум къамчысы,
Шыбаласм, эгъер олса
Бир къылмышым.
 
Юнус Темиркая

Категория

Источник
http://anaurt.com