Аббасова Зейнеп (1906-1998).

Оджа ве шаире Аббасова Зейнеп 1906 с. Акъмесджитте Токъал-Джами маалесинде догъды. 1923 с. Тотайкой оджалар техникумыны битирди. 20-нджи сенелери балалар эвининъ мудири олды, Акъмесджиттеки 12-нджи ве 13-нджи нумюневий-теджрибе мектеплеринде оджалыкъ этти. Шиирлер яза ве «Яш къувет» газетасы, «Илери» журналында басыла. О девирде язылгъан энъ буюк «Той» адлы поэмасы 1933 с. «Къадынлыкъ социализм ёлунда» адлы журналында басылды.

 

Айны шу сенелери чешит сыныфлар ичюн ана тили дерсликлерини тертип эте. 1940 с. Къырым девлет педагогика институтынынъ къырымтатар тили ве эдебият болюгини гъыябий окъуп битире, мектеп мудири оларакъ чалыша.

 

Сюргюнлик вакътында Фергъана виляетининъ Къува районына тюше. Анда мектеплерде оджалыкъ япа. Шиирлер язмакъны девам этти ве «Ленин байрагъы» ве «Йылдыз» дергилеринде дефаларджа басылды.

 

1967 с. халкъ векиллери арасында Москвада олды. 1989 с. Ватангъа къайтты. Акъмесджит районы Бештерек (Донское) коюнде ерлешти, сонъ Дубки къасабасына авушты. Халкъ итибарыны къазангъан оджапче ве шаире З. Аббасова 1998 с. июнь 14-да вефат этти. З. Аббасова бутюн омюрини балаларгъа, бала тербиесине, оджалыкъкъа багъышлады.

 

Зейнеп Аббасова родилась в квартале Токъал-Джами г. Симферополя. В 1923 г. окончила Тотайкойский педтехникум. В 20-е годы заведовала детским домом. С конца 30-х до 40-го года преподавала в 12-ой и 13-ой средних школах г. Симферополя. Писала стихотворения, которые опубликовались в газете «Яш къувет» и журнале «Илери». В 1933 г. в журнале «Къадынлыкъ социализм ёлунда» была опубликована её поэма «Той». В соавторстве подготовила ряд учебников по родному языку.

 

После окончания в 1940 году факультета крымскотатарского языка и литературы Крымского пединститута З. Аббасова была назначена директором школы.

 

В годы депортации жила и работала в Кувинском районе Ферганской области. Писала стихотворения и публиковалась в газете «Ленин байрагъы» и журнале «Йылдыз».

 

В 1967 г. в числе представителей крымскотатарского народа принимала участие в акциях за возвращение на Родину, проходивших в Москве.

 

В 1989 г. переехала в Крым в с. Бештерек (Донское), затем жила в с. Дубки. Педагог, воспитатель, поэт З. Аббасова скончалась 14 июня 1998 г.

 

Шиирлери

Стихотворения

 

1. Ювачыкъны бозманъыз: Шиир // Достлукъ. - 1990. - Март 8. - С. 3.

 

2. Чёллер; Балкъуртчыкъ: Шиирлер // Йылдыз. - 1988. - № 5. - С. 80.

 

3. Уч, къушчыгъым !; Динъгиль-динъгиль даречик: Шиирлер // Йылдыз. - 1983. - № 1. - С. 126-127.

 

4. Кеманелер чалынсын: Шиир // Йылдыз. - 1981. - № 2. - С. 139.

 

5. Дёмана: Шиир // Йылдыз. - 1980. - №2. - С. 41.

 

6. Улу чёллер: Шиир // Йылдыз. - 1980. - №4. - С. 13.

 

7. Куньтабакъ; Къар ягъа; Пападие: Шиирлер // Ленин байрагъы. – 1974. – Февр. 9. – С. 3.

 

8. Baharde: sir // Jas Leninciler. – 1936. - № 4. – S. 3.

 

Фаалиети акъкъында

О деятельности

 

9. Зейнеп Аббасова (1906-1998)// Фазыл, Р.; Нагаев, С. Къырымтатар эдебиятынынъ тарихы: Къыскъа бир назар. –Акъмесджит, 2001. – С. 360-361.

 

10. Усеинова, Г. Есть только миг между прошлым и будущим...: [З. Аббасова - педагог, поэт] // Голос Крыма. - 1998. - 26 июня. - С. 2.

 

11. Кандымов, Ю. Элинъизни опемиз: [Шаире ве оджf З. Аббасова акъкъында] // Достлукъ. - 1990. - Март 8. - С. 3.: фото.

 

12. Медениет джебэнинъ аскерлеринден бири: [З. Аббасова акъкъында очерк] // Ленин байрагъы. – 1979. – Март 8. – С. 4.

 

13. Нагаев, С. Медениет джебэнинъ аскерлеринден бири: [Оджа З. Аббасова акъкъында] // Ленин байрагъы. – 1977. – Дек. 8. – С. 3.

 

14. Зейнеп Аббасова ве онынъ шиирлери: [Шаире акъкъында] // Ленин байрагъы. – 1974. – Февр. 9. – С. 3. – фото.