"Degirmenci"
YAŞ QADIN:
Aman, degirmenci,
Canım-közüm, degirmenci,
Sırma da saçlar seniñ de olsun,
Al çek boğdaynı!
DEGİRMENCİ:
Olmaz, canım, olmaz,
Uluqlar suya tolmaz,
Nevbetçiler razı da olmaz,
Al qayt boğdaynı.
YAŞ QADIN:
Aman, degirmenci,
Canım-közüm, degirmenci,
Al yanaqlar seniñ de olsun,
Al çek boğdaynı!
DEGİRMENCİ:
Olmaz, canım, olmaz,
Uluqlar suya tolmaz,
Nevbetçiler razı da olmaz,
Al qayt boğdaynı.
YAŞ QADIN:
Aman, degirmenci,
Canım-közüm, degirmenci,
Qara közler seniñ olsun,
Al çek boğdaynı!
DEGİRMENCİ:
Olmaz, canım, olmaz,
Uluqlar suya tolmaz,
Nevbetçiler qayıl da olmaz,
Al qayt boğdaynı.
YAŞ QADIN:
Aman, degirmenci,
Canım-közüm, degirmenci,
Qalem qaşlar seniñ olsun,
Al çek boğdaynı!
DEGİRMENCİ:
Olmaz, canım, olmaz,
Uluqlar suya tolmaz,
Nevbetçiler qayıl da olmaz,
Al qayt boğdaynı.
YAŞ QADIN:
Aman, degirmenci,
Canım-közüm, degirmenci,
İnce beller seniñ olsun, Al çek boğdaynı!
DEGİRMENCİ:
Olur, canım, olur,
Uluqlar suya tolur,
Nevbetçiler razı da olur,
Al kel boğdaynı.
BERABER:
Nevbetçiler razı da oldı,
Boğday un oldı.
Источник
http://anaurt.com
