Рефат Чайлакъ. МЕН ДОГЪГЪАНДА

Рефат Чайлакъ.

МЕН ДОГЪГЪАНДА

Мен догъгъанда, «анам-бабам севинген, 

Зем-зем сувлар чешмелерден акъкъанлар. 

Геджеси ай кунеш олып корюнген, 

Небататлар кумюш мерджан такъкъанлар.

Мен оськенде, февраль фигъан къопарып, 

 

Ёлларымны къарлы аяз къаплагъан. 

Афатлардан анам мени къорчалап, 

Багьырына сыкъып, мени сакълагъан.

Хатырымдан ич чыкъармам анамны, 

Анам яман деселер, ич инанмам. 

Анасыны яманлагъан адамны, 

Бу дюньяда адам сайып оламам.