Yeniş Bizim
Front çektik garez duşman ogüne,
Uzaqlardan kele tüfek, top sesi.
Keskin, amma baq çaresiz dögüne
Yaqın onıñ tıyılğan soñ nefesi.
Soñğıllıqqa yapıştı pis iylege,
Ellerinde ya pıçaq bar, ya qama.
Aslı suvuq qoynu açuv biylegen,
Quturğan it, tişlerinden qan tama.
Aydıñız, ey! Onıñ mında işi yoq,
Anda dağlar partizanı el tutar.
Aramızda qorqu bilgen kişi yoq-
Tek kureşni sevgen aqay bel tutar.
Yeñiş bizim ! Aydı uzaq frontqa!
Yeñip keldik, bizde yeñiş dadı bar.
Qalbimizde qızuvı iç sönmegen
Azamatlı vatanımnıñ adı bar.
Front çektik. Olüm duşman boynunda,
Koterdik biz aqiqatnıñ añını.
Baq, batığa talğan gece qoynunda
Bekley ulu azatlıqnıñ tañını.
1941
Osman Amit
Ениш Бизим
Фронт чектик гарез душман огюне,
Узакълардан келе тюфек, топ сеси.
Кескин, амма бакъ чаресиз дёгюне
Якъын онынъ тыйылгъан сонъ нефеси.
Сонъгъыллыкъкъа япышты пис ийлеге,
Эллеринде я пычакъ бар, я къама.
Аслы сувукъ къойну ачув бийлеген,
Къутургъан ит, тишлеринден къан тама.
Айдынъыз, эй! Онынъ мында иши ёкъ,
Анда дагълар партизаны эль тутар.
Арамызда къоркъу бильген киши ёкъ-
Тек курешни севген акъай бель тутар.
Енъиш бизим ! Айды узакъ фронткъа!
Енъип кельдик, бизде енъиш дады бар.
Къальбимизде къызувы ич сёнмеген
Азаматлы ватанымнынъ ады бар.
Фронт чектик. Олюм душман бойнунда,
Котердик биз акъикъатнынъ анъыны.
Бакъ, батыгъа талгъан гедже къойнунда
Беклей улу азатлыкънынъ танъыны.
1941
Осман Амит
Источник
http://anaurt.com