Вели Мурат-огълу Габилев башлангъыч тасилини мешур шаиримиз Абдулла Лятиф-заде оджалыкъ япкъан кой мектебинде алды. Сонъра 1914-1919 сенелери о, Евпатория уездиндеки Мырзабек ве Баим койлеринде озю оджалыкъ япты. 1920 сенеси Мырзабекте кой ревкомынынъ реиси олды. 1921 сенеси оны Москвагъа Шаркъ эмекдарлары коммунистик университетине окъумагъа ёллайлар. Андан къайтып кельген сонъ Акъмесджитте виляет совет-партия мектебинде къырымтатар болюгининъ мудири вазифесине тайин этиле. Айны заманда о виляет курсларында оджаларгъа ичтимаият (социология) дерслери боюнджа лекциялар окъуй. 1925-1926 сенелери о, Маариф Халкъ Комиссарлыгъынынъ сиясий-ярыкъландырув болюгинде чалыша, сонъра Тотайкой оджалар техникумынынъ директоры вазифесине тайин этиле.
Вели Габилев 1920-нджи сенелери газета ве меджмуаларда бир чокъ публицистик макъалелернен чыкъышта булунды. Бу девирде матбуатта онынъ бедиий несир эсерлери, пьесалары басыла.1925-1927сенелери Къырым девлет татар театринде муэллифнинъ «Адиль яхут бинъден бири», «Учь ёл» адлы пьессалары саналаштырыла.
Озь вакътында энъ корюмли къырымтатар медениет эрбапларынынъ 50 шахыстан ибарет джедвелини тизген Эшреф Шемьи-заде бу джедвельге Вели Габилевни де кирсеткен эди. Аджайип языджы, драматург, медениет эрбабы Вели Габилев репрессиягъа огърай, 1945 сенеси апсханеде вефат этти.
* * * * *
Начальное образование Вели Габилев получил в деревенской школе у знаменитого поэта и педагога Абдуллы Лятиф–заде.
В 1914 –1919 гг. начал преподавать в Евпаторийском уезде в деревнях Мырзабек и Баим. В 1920 году становится председателем ревкома в деревне Мырзабек. В 1921 году едет учиться в Москву в Университете восточных трудящихся. По возвращении начинает работать в совпарт школе Симферопольского района и одновременно читает лекции по социологии для учителей.
В 1925- 1926 гг. работает в политотделе Комиссариата Народного образования, затем был назначен директором Тотайкойского педагогического техникума.
В 20-е годы в газетах и журналах были напечатаны его публицистические статьи, проза и пьесы. В Крымском государственном татарском театре были поставлены его пьесы «Адиль, яхут бинъден бири» и «Учь ёл».
Преподаватель, драматург, культурный и общественный деятель Вели Габилев был репрессирован и в 1945 году умер в ссылке.
Терджимелери:
Cexof A. P. Musikler/ Cevirgen V. M. Habilef.- Sımferopol: Qьrьm Devlet Neşrıjatь,1930 - 45 s.
Аяты ве фаалиети акъкъында:
О жизни и деятельности:
1. Репрессиягъа огъратылды: [Вели Габилевнинъ догъгъанына 105 йыл
олды]/ З. Куртнезирнинъ "Къырымтатар эдиплери" китабындан
// Йылдыз. – 2003. – №3. – С. 143.: фото.
2. Бике Т. (Сейдаметов Сеит-Халиль). «Омюр баари»: (Габилевнинъ
пьессасы акъкъында) // Яш къувет. – 1935. – Март 15.
3. **Вели Габилев: [Фото]
И. Гаспринский адына китапханеси эльязма ве архив материаллар болюгининъ фондундан: Ф.1.-Оп.1.- Ед. Хр. 182.
4. **Edebijat xrestomatjijasь: Orta mekteplernin besinci sьnьflarьna maxsus / A. Fetisl’amov, J. Bolat; Red. V. Gabilev.- 2-ngi basьlьsь. – Aqmescid: Qrьm ASSR Devlet nesr., 1936.- 192 s.
Категория
Источник
http://www.kitaphane.crimea.ua