Aşıq Umer

Semai



Elâ kozli nazlı dilber,

Alımdan haberiñ varmı?

Seni benden ayırdılar,

Zulumdan haberiñ varmı?



Bugün dersiñ, yarın dersiñ,

Başqasına yarem dersiñ.

Ayrılıqqa zulum dersiñ,

Olümden haberiñ varmı?





Yarem, kozleriñ süzülmiş,

Lebiñde şeker ezilmiş.

İbrişim quşaq çezilmiş

Beliñden, haberiñ varmı?



Umer der ki, ep kulmüşler,

Aşıqlarnıñ yañlmışlar.

Bağçada guliñ dermişler,

Bağıñdan haberiñ varmı?