Cenğız Dağcı

Qırım, meni añasıñmı?



Kuneş batar, süküt bulur gol, irmaq, çay,

Tuman yatar töpelerniñ arqasına.

Çatırdağnıñ qulağına asılğan Ay

Beñzemezmi yaş kelinniñ sırğasına?





Men de gecelerniñ bir sırdaşı,

Eski Çatır sırın açar, dep arz etim.

Yuregimde ana yurtnıñ topraq, taşı…

Kuneşimniñ doğmasını çoq istedim.



Kun doğmadı Qırımnıñ semasında,

Ağlaysıñmı, kederlenip, yanasıñmı?

Qırım, Qırım! Boyle suvuq gecelerde

Sen de meni yahşı söznen añasıñmı?