КЪАРА ДЕНЪИЗ ДЖОЛ БЕРСЕ ДЕ
Кефинлерге бурюнип джаткъан эдждатлар,
Тарихнынъ козюмен арекетлерине тамгъа салдылар.
Миллетимин ярасын сармакъ ичюн,
Ибрет, джесюрлик, онер къылдылар.
Бо эмирни герчеклештирмек ичюн
Джан-джуректен атылдынъ серт савашкъа.
Тюзенлединъ Къурултайлар, бердинъ умют,
Дерт дестанлар яздынъ мермер ташына...
Девлер сени сюймедилер билемиз,
Адымларынъ сайдылар, токътатмакъ ичюн.
Анъласанъ да бо иштен сен урькмединъ,
Аз сандынъ федакъарлыгъынъ, осьтюрдинъ кучюнъ.
Шимди Кербалыкъта шайылып джатасынъ,
Кефинлеринъ онынъ тузлу суву.
Бизлер шимди тюшюнип анълаймыз,
Къайдан келе Къырымнынъ аллы буву...
Сенинъ "Антынъ" джерине кетирмеге,
Къара денъиз джол берсе де, биз кеталсакъ.
Къартанайлар, къартбабайлар тувгъан ерлерине,
Къайтип де Ватанымызгъа кери къайталсакъ!...
QARA DEÑİZ COL BERSE DE
Kefinlerge bürünip catqan ecdatlar,
Tarihnıñ közümen areketlerine tamğa saldılar.
Milletimin yarasın sarmaq içün,
İbret, cesürlik, öner qıldılar.
Bo emirni gerçekleştirmek içün
Can-cürekten atıldıñ sert savaşqa.
Tüzenlediñ Qurultaylar, berdiñ ümüt,
Dert destanlar yazdıñ mermer taşına...
Devler seni süymediler bilemiz,
Adımlarıñ saydılar, toqtatmaq içün.
Añlasañ da bo işten sen ürkmediñ,
Az sandıñ fedaqarlığıñ, östürdiñ küçüñ.
Şimdi Kerbalıqta şayılıp catasıñ,
Kefinleriñ onıñ tuzlu suvu.
Bizler şimdi tüşünip añlaymız,
Qaydan kele Qırımnıñ allı buvu...
Seniñ "Antıñ" cerine ketirmege,
Qara deñiz col berse de, biz ketalsaq.
Qartanaylar, qartbabaylar tuvğan yerlerine,
Qaytip de Vatanımızğa keri qaytalsaq!...
Источник
https://ana-yurt.com
