Yunus Kakura, Özbekstannıñ Andican şeyeerindeki qurucılıq tehnikumını oqup bitirdi. Vatanı Qırımğa qaytıp kelgen soñ, 1991 seneden başlap, "Qırım" adına qırımtatar folklor ansamblinde artist-vokalcı vazifesinde çalışıp kelmekte. 2008 senesi o, Qırım müendislik – pedagogika universitetiniñ halq-yırları sanaatı kafedrasında öz ihtisasını yükseltti.
Yunus Kakura, çeşit Halqara festivallerniñ daimiy iştirakçisidir. 2003 senesi Türkiyeniñ Silifke şeerinde olıp keçken HHH-ncı Halqara folklor festivalinde, "Qırım" ansambli tarafından gran-pri qazanuvda, yırcınıñ issesi ğet büyüktir.
Yunus Kakura, "Qırım" ansambliniñ vokalcısı sıfatında ifadeli seske, muzıkal ve sahnacılıq qabiliyetke maliktir. Artist, qırımtatar folklorını bilüvi em de çoqyıllıq tecribesi sayesinde, seyirciler tarafından yahşı qarşılanıp alınğan "Toyğa davet etemiz", "Navrez bayramı" kibi teatrolaştırılğan spektakllerde o, baş qaramanlarnıñ aydın obrazlarını yaratıp oldı.
Источник
http://qirim.com.ua/pages/item/yunus-kakura