Амди Гирайбай
Amdi Giraybay
1901–1930 3 книги автор
Амди Гирайбай (Абдулахат Лятифов) 1901 сенеси февраль 14-те Кефе больгесининъ Ени Къале (базы менбаларда Янъы-сала) коюнде, улема къорантасында догъды. 1910 сенеси Къарасувбазар иптидаий мектебини битирди. 1917 сенеси Акъмесджитте ачылгъан рушдие мектебине кире. Лякин, ватандашлар дженки вакътында тасилини девам эттирип оламай. 1921 сенеси аз бир муддет рабфакта окъуй. 1922 сенеси топракъ истисал ширкетине кире. Айны заманда къырымтатар дарульфунун талебелери ширкетини тешкиль этип, озю де анда окъувыны девам эттире.
1923 сенеси, Вели Ибраимовнынъ ярдымынен, Истанбулгъа кетип, андаки дарульфунуннынъ эдебият болюгинде учь йыл окъуй ве 1926 сенесининъ сонъларында Къырымгъа къайта. Миллий маариф ве медениетнинъ инкишафы ёлунда элял хызметлерде булуна.
1928 сенеси «миллетчи»ликте къабаатланып, ГПУ хадимлери тарафындан якъалана ве 1930 сенеси сентябрь 13-те Москвада «Бутырка» апсханесинде вахшийджесине ольдюриле. О 1991 сенеси апрель 17-де акъланды.
Амди Гирайбайнынъ «Эляк олды йигитлер» адлы ильки шиири 1917 сенеси нешир этильди. Шаир эсерлерини эсасен саде халкъ тилинде язды. «Йигитке» (1918), «Яш татарларгъа» (1921), «Тувгъан тилим» (1921) киби шиирлеринде ватанперверлик ве миллетсеверлик гъаелерини ифаде этти. Халкъымызнынъ аятыны ве базы эскирген адетлерини «Заваллы татар къызы» (1921), «Талакъ» (1921) киби назм эсерлеринде беян этти. Миллий эдебиятымызда муимм ер туткъан «Иджрет» дестаны 1927 сенеси басылды.
Амди Гирайбай къалемини драматургия жанрында да сынап бакъкъан эди. 1919 сенеси «Эски татар мектеби», 1923 сенеси «Оксюзлер» адлы балалар ичюн язгъан пьесалары нешир олунды.
Шаирнинъ вефатындан сонъ, 1935 сенеси Романияда чыкъкъан «Къырым шиирлери» меджмуасында онынъ миллий эдебиятымыз тарихы акъкъында ильмий макъалеси басылды. 1994 сенеси исе, кене Романияда шаирнинъ «Яш татарларгъа» адлы назм эсерлер джыйынтыгъы латин элифбесинен дердж олунды. Онъа 80-ге якъын эсери кирсетильди.
1997 сенеси Акъмесджитте, «Таврия» нешриятында «Амди Гирайбай» адлы назм эсерлер джыйынтыгъы дюнья юзю корьди.
Амди Гирайбай 1930 сенеси вефат этти.
Источник: З. Къуртнезир, «Къырымтатар эдиплери» (2014), статья №81 Открыть книгу-источник
-
Giraybay cashlarga Амди Гирайбай
Giraybay cashlarga
1922 · автор
автор 1922 · 34 с.Читать: Giraybay cashlarga -
Yaş tatarlarga Амди Гирайбайавтор 1994 · 138 с.Читать: Yaş tatarlarga
-
Гирайбай Амди. Шиирлер. Амди Гирайбайавтор 143 с.Читать: Гирайбай Амди. Шиирлер.
