Перейти к основному содержанию

Амет Адиль

Amet Adil

1942 1 книга автор

Амет Адиль 1942 сенеси Къарасувбазарда догъды. Омюрининъ эсас къысымыны Къазанда кечирди. Шиирлерини эрте язып башлады, сонъра Москвада Горький адына халкъара эдебият институтыны битирди. 1970-нджи сенелерде Ташкентке келип, бир къач йыл анда яшады. О вакъытта, яни 1978 сенеси онынъ ана тилинде «Нам» адлы ве айны шу йылы Къазанда «Яшлыкъ сокъагъы» адлы китаплары чыкъты.

Рахметлининъ озю айткъанына коре, 1957 сенесинден бу якъкъа о алты бинъден зияде шиир язгъан. Олардан тахминен эки бинъи китапларда, учь бинъден зиядеси девирий матбуатта басылгъан. Бундан башкъа о, юзге якъын икяе ве новеллалар, учь повесть, дёрт драматик эсер яраткъан. Шу джумледен Германиягъа айдалгъан Къырым къызынынъ такъдирине багъышлангъан «Айше Фурье» («Узюльген гуль») пьесасы ве Къырым мудафааджыларына багъышлангъан «Мен къайтып келирим, ана!» повести. Амет Адиль учь тильде (къазантатарджа, къырымтатарджа, русча) язгъан шаир эди. Къазанда онынъ сонъки йылларда даа бир сыра китаплары нешир этильди.

Шаир озю чешит муарририетлерде, нешриятларда чалышты. Татаристан Литфондынынъ директоры вазифесинде ве чокъ йыл Татаристан Медениет назирлигинде етекчи мутехассыс вазифесинде чалышты. Бу саада дегерли хызметлери ичюн онъа Татаристанда нам къазангъан санат эрбабы унваны берильди. Амет Адиль Къазанда яшаса да, язгъан эсерлерининъ эсас мевзуларындан бири Ватан севгиси ве Ватан асретлиги олды. Теэссюф ки, о, Ватангъа келип яшап оламады.

2012 сенеси ноябрь 18-де Къазанда вефат этти.

Источник: З. Къуртнезир, «Къырымтатар эдиплери» (2014), статья №160 Открыть книгу-источник

Книги автора

↑