Перейти к основному содержанию

Айше Кокиева

Ayşe Kökiyeva

1956 11 книг автор

Айше Кокиева 1956 сенеси ноябрь 8-де Озьбекистаннынъ Шахрисабз шеэринде догъды. 1973 сенеси шеэрдеки Гоголь адына 6-нджы орта мектепни битирген сонъ, Низамий адына Ташкент Девлет педагогика институтынынъ къырымтатар тили ве эдебияты болюгине кирди.

1978 сенеси институтны мувафакъиетнен битирген Айше Кокиева ана тилимизде чыкъып тургъан «Ленин байрагъы» (шимди «Янъы дюнья») газетасына ишке алынды. Анда корректорлыкъ япты. Сонъра Гъафур Гъулам адына Эдебият ве санат нешриятынынъ къырымтатар болюгине ишке авушты, о ерде муаррир оларакъ чалышты. 1982 сенесинден 1998 сенесининъ сентябринедже «Йылдыз» меджмуасында назм болюгинде эдебий хадимлик, мудирлик этти. 1998—2012 сенелери Акъмесджит Девлет университети филология факультета къырымтатар тили ве эдебияты болюгинде оджалыкъ япты.

Айше Кокиева та талебелик йылларындан эдебияткъа зияде авесли эди. Онынъ шиирчиклери мектеп дивар газеталарында дюнья юзю корьдилер. О биринджи вакъытларда рус тилинде язып башлады. Яш авескярнынъ ильки шиири «Фонтазёры» 6-нджы сыныфта окъугъанда басыдды.

Къырымтатар окъуйыджылары Айше Кокиеванынъ «Ягъмур», «Арзуларым» серлевалы шиирлеринен 1975 сенеси таныш олгъан эдилер. Шундан сонъ онынъ шиирлери газета ве «Йылдыз» меджмуасында, чешит джыйынтыкъларда басылдылар.

Шаиренинъ «Къысметим меним» адлы ильки шиирлер джыйынтыгъы 1988 сенеси Ташкентте нешир этильди. Айше Кокиева Языджылар бирлигининъ азасыдыр. Акъмесджит шеэринде яшай.

Источник: З. Къуртнезир, «Къырымтатар эдиплери» (2014), статья №167 Открыть книгу-источник

Книги автора

↑