Перейти к основному содержанию

Эмиль Амит

Emil Amit

1938–2002 1 книга автор

Эмиль Амит 1938 сенеси февраль 24-те Акъмесджит шеэринде дюньягъа кельди. Еди яшында экенде, халкъымызнен берабер Озьбекистангъа сюргюн олунды. О йыллары бабасы, шаир Осман Амит Ватан ичюн фашистлернен дженклеше эди, Сюргюнликнинъ ильки йыллары Эмильнинъ къорантасы Баяут районьщда яшады, сонъундан Самаркъанд виляетининъ Чархин районына кочти.

Эмиль 1956 сенеси Ертешар кой орта мектебини битирди. Аилевий шараитининъ агъырлыгъы себебинден, о чалышмагъа меджбур олды. Башта МТСте (машина-трактор станциясы) чиленгирлик япты. Бир къач йыл район физкультура ве спорт комитетинде инструктор олды, сонъунда шу комитетке реис тайин этильди.

Учуджы олмакъ истеген Эмиль учуджылар окъув юртуна кирди. Лякмн, къырымтатар олгъаны ичюн, оны битирмеге наиль оламады. Ташкентке къайтып, педагогика институтынынъ рус тили ве эдебияты факультетине кирди. Анда эки йыл окъугъан сонъ, «Ленин байрагъы» газетасында чалышты. Шундан сонъ Москвадаки Горький адына Эдебият институтынынъ бедиий терджиме болюгини битирди ве «Советский писатель» бедиий эдебият нешриятынынъ къардаш халкълар эдебияты болюгинде муаррир оларакъ узун йыллар чалышты.

Эмиль Амит эдебияткъа несирджи оларакъ кирди. О, ильки икяелерини мектепте окъугъан йыллары язды. Биринджи эсерлери вакъытлы матбуат саифелеринде басыддылар. Эсасен рус тилинде язгъанына бакъмадан, онынъ деерли бутюн эсерлери ана тилимизге чевирильди.

Эмиль Амитнинъ биринджи китабы Ташкентте, Гъафур Гъулам адына Эдебият ве санат нешрияты тарафындан «Учурымлы ёл» адынен 1971 сенеси нешир этильди. Бундан сонъ языджынынъ «Севгиден кучьлю» (1978), «Буюк арзунен», «Сыгъын чокърагъы» (1982), «Ишанч» (1986) икяелер, повестьлер ве роман китаплары ана тилимизде, «Дорога над кручей» (1971), «Возмужание» (1976), «Алая чалма» (1976), «Олений родник» (1982), «Последний шанс» (1982) китаплары Ташкент ве Москвада рус тилинде нешир олундылар. Бунынъ киби де, языджынынъ юкъарыда адлары анъылгъан эсерлерининъ эксериси озьбек, азерий, молдаван тиллерине чевирильдилер.

Эмиль Амит меаретли терджиман оларакъ да беллидир. О, озьбек языджыларындан Мирмухсин, Ульмас Умарбеков? Макъсуд Къариев, Саид Ахмад, Тургъунбай Гъайипов, Абдугъафур Убайдуллаев, Асад Дильмурадов, тюркмен языджылары Абдулла Мурадов, Ходжанепес Меляев, къазантатар языджысы Шамиль Ракипов, авар языджысы Магомед Абдулхалилов киби бир сыра эдиплернинъ бир чокъ китапларыны рус тилине терджиме этип, миллий джумхуриетлерде, Москва нешриятларында бастырып чыкъарды.

Эмиль Амит бир сыра къырымтатар языджылары9 бу джумледен, Шамиль Алядин, Черкез-Али ве дигерлерининъ эсерлерини русчагъа чевирип, оларнен рустилли окъуйы-.джыларнынъ таныш олмасына себепчи олды.

Эмиль Амит. тюрк-рус ширкети тарафындан нешир этильген «Заман» газетасында терджиман оларакъ чалышты. Эмиль Амит Языджьшар бирлигининъ азасы эди 2002 сенеси март 28-де Москвада вефат этти.

Источник: З. Къуртнезир, «Къырымтатар эдиплери» (2014), статья №152 Открыть книгу-источник

Книги автора

↑