Перейти к основному содержанию

Эшреф Ибраим

Eşref İbraim

1928–1974 1 книга автор

Эшреф Ибраим 1928 сенеси Къырымнынъ Черномор районыныдаки Садыр-Багъай коюнде догъды. Яш Эшрефте эдебияткъа авесликни бабасы — кой мектебининъ оджасы Ибраим агъа уянтты. Бабасы бир чокъ халкъ дестанларыны эзберден биле, оларны огълуна да огрете эди.

Даа мектеп чагъына кельмеген Ибраим бир чокъ шаирлернинъ эсерлерини эзберлеп ала.

Улу Ватан дженки башлангъанда Эшреф Ибраим еди йыллыкъ мектепни битирген осьмюр эди. Сюргюнлик йыллары Ибраим оджанынъ къорантасы Озьбекистаннынъ Андижан виляетиндеки «Савай» совхозына келип тюше, О вакъытларда Эшрефнинъ анасы, чокъкъа бармадан бабасы кечине. Яш Эшреф совхознынъ тамир-механика цехинде кевшерджи олып чалыша. Лякин, о эдебиятнен ашналыгъыны терк этмей, шиирлер, манзумелер яза. Амма агъыр дженк йылларынынъ эсарети онъа озь тесирини косьтере. 1952 сенеси онынъ козьлери агъырып башлай ве о сонъундан окъумакъ имкянындан махрум ола.

1957 сенеси иджретте ана тилимизде газета чыкъып башламасы Эшреф Ибраимнинъ аятына нур багъышлады. Онынъ балалар акъкъында язгъан шиирлери газетада сыкъ-сыкъ дердж олундылар. 1958 сенеси о къорантасынен Джизакъ виляетине кочип кельди. Шаирнинъ меарети кеттикче артты. О шиирлернен бир сырада балалар ичюн эки поэма, бир эфсане, беш масал яратты. Истидатлы шаир иджады гурьделенген бир вакъытта козьлери бутюнлей корьмей къалды. Сонъки девирде яраткъан эсерлерини оньшъ агъызындан омюр аркъадашы Кимья Талибова язып ала эди.

Эшреф Ибраимнинъ «Бай, вай, вай!» (1970) ве «Кок къушагъы» (1980) шиирий джыйынтыкълары нешир олунды.

Эшреф Ибраим 1974 сенеси июль 26-да иджретте вефат этти.

Источник: З. Къуртнезир, «Къырымтатар эдиплери» (2014), статья №138 Открыть книгу-источник

Книги автора

↑