Перейти к основному содержанию

Гъафар Булгъанакълы

Ğafar Bulğanaqlı

1905–1987 3 книги автор

Гъафар Булгъанакълы (Эюпов) 1905 сенеси март 4-те Акъмесджит уездининъ Булгъанакъ озени боюндаки Агъач-Эли коюнде, фукъаре къорантасында догъды. Кой мектебини битирген сонъ, Тотайкой техникумында окъуды. 1933 сенеси Дагъистандаки Темирханшура педагогика институтынынъ филология факультетини битирип, оджалыкъ этти, мектеп директоры олып чалышты, Къырым АССР Халкъ маарифи комиссарлыгъы идаресинде месуль хызметте булунды.

Экинджи джиан дженки йылларында Гъафар Булгъанакълы Къырым дагъларында партизанлар сафында немсе-фашист баскъынджыларына къаршы курешти. Дженктен сонъ Къазахистаннынъ Гурьев шеэринде яшады ве иджатнен фааль огърашты.

Гъафар Булгъанакълынынъ ильки шиирлери 1925 сенеси «Яш къувет», «Ени дюнья» газеталарында, «Илери», «Окъув ишлери», «Яш ленинджилер» меджмуаларында дердж этильдилер. Ташкенттеки Гъафур Гъулам адына Эдебият ве санат нешриятында шаирнинъ «Йырлар ве йыллар» (1969), «Инсан» (1973), «Чёллер танъы» (1981), «Ана бахшышы» (1988) шиирий китаплары басылып чыкъты. Гъафар Булгъанакълы Языджылар бирлигининъ азасы эди. О, 1987 сенеси июнь 5-те Гурьевде вефат этти.

Источник: З. Къуртнезир, «Къырымтатар эдиплери» (2014), статья №91 Открыть книгу-источник

Книги автора

↑