Перейти к основному содержанию

Мамбет Аблялимов

Mambet Ablâlimov

1935–1990 5 книг автор

Эдебиятымызгъа етмишинджи сенелерде кельген истидатлы шаир Мамбет Аблялимов 1935 отнеси майыс 2-де Джанкой шеэринде догъды. 1955 сенеси Наманган виляетининъ (Озьбекистан) Уйчи районындаки Чкалов адына орта мектепни битирди. 1958 сенеси Наманган кой ходжшшгъы техникумыны битирген Мамбет Аблялимов Учкъургъан районындаки Ахунбабаев адына колхозгъа зоотехник тайин олунды.

Мамбет Аблялимов чалышувнен берабер, бильгисини арттырмагъа да вакъыт тапты. 1976 сенеси Самаркъанд халкъ ходжалыгъы институгынынъ зоотехния факультетини гъиябий битирди.

Яшлыгъындан эдебияткъа авес олгъан Мамбет Аблялимовнынъ озьбек тилинде язгъан ильки шиирлери район, виляет газеталырында дердж олундылар. Яш шаир ана тилимизнен, эдебиятымызнен кеттикче меракъланды, устаз языджыларнынъ эсерлерини окъуды, огренди, озю де ана тилимизде шиирлер язып башлады.

1975 сенеси Мамбет Аблялимовнынъ «Чокъракъ» адлы биринджи шиирлер джыйынтыгъы басылды. Шундан сонъ шаирнинъ «Сенинъ севгинъ» (1981), «Аят къуванчы» (1985), «Къумдаки чечеклер» (1988) адлы шиирлер, поэмалар, балладалар джыйынтыкълары басылып чыкътылар. Мамбет Аблялимов 1975 сенеси яш языджыларнынъ Москвадаки Умумиттифакъ мушавересинде иштирак этти. Бир къач шиири Москвада, Киевде чыкъкъан джыйынтыкъларгъа кирсетильди. Онынъ озю де терджиме иле огъраша эди. Языджы Черкез-Алининъ «Сабалар къучагъында» романыны озьбек тилине о терджиме эткен эди. Мамбет Аблялимов Языджылар бирлигине аза эди.

Иджреттен Къырымгъа къайтып кельген Мамбет Аблялимов 1990 сенеси вефат этти.

Источник: З. Къуртнезир, «Къырымтатар эдиплери» (2014), статья №146 Открыть книгу-источник

Книги автора

↑