Перейти к основному содержанию

Мамбет Алиев

Mambet Aliyev

1916–1981 3 книги автор

Мамбет Алиев 1916 сенеси Къырымнынъ Красный Перекоп районындаки Буюк Къышкъара коюнде догъды. Балалыкъ девири айдын уфукъларнен тутушкъан кенъ-къулан чёллер къойнунда кечти. Яз вакъытларында къой сюрюлери артындан юрген Мамбет къыштан-къышкъа кой мектебинде окъуды. 1929 сенеси Джанкой интернат-мектебини битирген сонъ, Акъмесджит оджалар техникумына кире, андан Ялта оджалар техникумьша авуша ве оны 1933 сенеси битирип чыкъа. Шу йылдан итибарен секиз йыл девамында, Экинджи джиан дженки башлангъангъа къадар, «Яш къувет» (сонъундан «Комсомолец» олды) газетасында эдебий хадим, болюк мудири олып чалышты. Эдебияткъа ильки адымларыны да о девирде атты. О вакъытнынъ белли журналистлери Сеитхалил Сейдаметов, Исмаил Ирисмамбетов ве дигерлерден газетаджылыкъ сырларыны огренди. Газетада чалышкъан йылларындан кучюк икяелеринен матбуатта сыкъ-сыкъ корюнип турды.

Экинджи джиан дженки йылларында Мамбет Алиев элине силя алып, душмангъа къаршы курешти. Дженк биткен сонъ, такъдири, халкъ такъдири киби, иджрет ильге кетирген Мамбет Алиев 1946 сенесинден 1958 сенесинедже Ташкент виляетининъ Чырчыкъ шеэриндеки «Узбекхиммаш» заводында уста, участка башы олып чалышты.

Мамбет Алиев 1958 сенеси Ташкентте ана тилимизде чыкъкъан «Ленин байрагъы» газетасына ишке давет олуна. Бу ерде о санайы ве къуруджылыкъ болюгининъ мудири вазифесинде та 1976 сенесине къадар чалышты.

Языджынынъ «Бир ютум сув» (1970), «Мен санъа кельдим» (1974), «Дивардаки язылар» (1977), «Яхшы адамлар арасында» (1981) икяелер китаплары нешир этильди.

Мамбет Алиев 1959 сенесинден Журналистлер бирлигининъ азасы эди.

О, 1981 сенесининъ апрелинде Ташкентте вефат этти.

Источник: З. Къуртнезир, «Къырымтатар эдиплери» (2014), статья №123 Открыть книгу-источник

Книги автора

↑