Ремзи Бурнаш
Remzi Burnaş
1920–1982 4 книги автор
Ремзи Бурнаш 1920 сенеси Акъмесджит районынынъ Тавдайыр коюнде кой оджасы Керим Бурнашнынъ къорантасында дюньягъа кельди. Кой иптидаий мектебини битирген сонъ, Акъмесджиттеки 13-нджи орта-нумюне мектебинде окъуды. О йылларда корюмли шаир Ибраим Бахшышнынъ реберлигиндеки эдебият тёгерегине фааль иштирак этти.
Орта мектепни битирген сонъ, Ялта педагогика техникумына кире. Ремзи Бурнашнынъ ильки шиирлери 1935 сенеси «Яш ленинджилер» меджмуасы саифелеринде дердж олуна, техникумны битирген сонъ, аз бир выкъыт Бакъсан коюндеки мектепте оджалыкъ япа. Чокъ кечмеден, оны арбий хызметке алалар. 1940 сенеси «Къызыл Къырым» газетасында яш шаирнинъ «Выборг — совет шеэри», «Солдат йырлай» серлевалы шиирлери басыла.
Ремзи Бурнаш Улу Батан дженкининъ биринджи куньлеринден дженкявер арекетлерге къошула, дефаларджа яралана, тедавийлеие, кене дженкявер сафкъа къайта. Къызыл Йылдыз орденинен, бир сыра медаллернен мукяфатлана.
Ремзи Бурнаш дженктен сонъ, Наманган виляетининъ (Озьбекистан) Хакъкъулабад къасабасында оджалыкъ этти, озюнинъ аман-аман къыркъ иыллыкъ омюрини яшлар тербиесине багъышлады, 1952— 1956 сенелери Саратов университетининъ филология факультетинде окъуды. Семерели эмеги ичюн «Озьбекистан халкъ маарифи аляджысы» нишанынен такъдирленди, Ташкентте ана тилимизде газета чыкъып башлагъан сонъ, Ремзи Бурнашнынъ яратыджылыгъы гъайрьщан джанланды. Къырымтатар тилинде нешир олунгъан ильки ортакъ джыйынтыкъларгъа онынъ шиирлери де кирсетильдилер.
Ташкенттеки Гъафур Гъулам адына Эдебият ве санат нешриятында шаирнинъ «Мавы саиллер» (1966), «Юрек йырлары» (1970), «Эдеп чокърагъы» (1975), «Майыс сабасы» (1981) шиирлер джыйынтыкълары басылды. 1994 сенеси шаирнинъ «Сайлама эсерлери» Акъмесджитте «Таврия» нешрияты тарафындан нешир этильди. Ремзи Бурнаш Языджылар бирлигининъ азасы эди. 1982 сенеси майыста Озьбекистанда вефат этти.
Источник: З. Къуртнезир, «Къырымтатар эдиплери» (2014), статья №132 Открыть книгу-источник
-
Юрек йырлары Ремзи Бурнашавтор 1970 · 42 с.Читать: Юрек йырлары
-
Эдеп чокърагъы Ремзи Бурнаш
Эдеп чокърагъы
1975 · автор
автор 1975 · 38 с.Читать: Эдеп чокърагъы -
Майыс сабасы Ремзи Бурнашавтор 1981 · 54 с.Читать: Майыс сабасы
-
Сайлама эсерлер Ремзи Бурнаш
Сайлама эсерлер
1993 · автор
автор 1993 · 132 с.Читать: Сайлама эсерлер