Рустем Али
Rustem Ali
1936 3 книги автор
Рустем Али 1936 сенеси декабрь 26-да Судакъ шеэринде дюньягъа кельди. Эдебиятны та балалыкътан севди. Вунъа о вакъытларда район газетасында чалышкъан анасынынъ тесири олмай къалмады.
Рустем Али сюргюнликте орта мектепни битирген сонъ къуруджылыкъта чалышты. 1958 сенеси Самаркъанд алыш-вериш техникумыны, 1973 сенеси Ташкент Девлет университетининъ журналистика факультетини битирди. 1958—1974 сенелери Андижан виляет (Озьбекистан) алыш-вериш системасында чалышты.
Эдебияткъа, журналистикагъа авеслиги оны «Ленин байрагъы» газетасына ишке алып кельди. 1974 сенесинден 1989 сенесине къадар мухбир, болюк мудири олып чалышты» Къырымгъа кочкен сонъ, башта совхозда чешит ишлерде, шимди исе Судакъ район газетасынынъ «Сувдагъ сеси» адлы къырымтатарджа неширине муаррирлик япа.
Рустем Алининъ ильки икяелери «Ленин байрагъы» газетасында басылдылар,. Ондан сонъ онынъ эсерлери ортакъ джыйынтыкъларда, «Иылдыз» меджмуасында дердж олундылар. О «Таныш нагъмелер» (1976) адлы икяелер, «Сельбилер эбедий яшайлар» (биринджи китап — 1980, экинджи китап — 1982, учюнджи китап — 1985) адлы повестьлери ве «Бурулышта» (1989) романынынъ муэллифидир.
Языджынынъ эсерлериндеки бир сыра шиирлерге, бунынъ киби де? «Миллетим Къырым» шиирине бестекярларымыз музыка яздылар. Рустем Али «Шанлы эмеги ичюн» медалинен такъдирленгендир. О, Языджылар бирлигининъ азасыдыр. Судакъ шеэринде яшай.
Источник: З. Къуртнезир, «Къырымтатар эдиплери» (2014), статья №147 Открыть книгу-источник
-
Таныш эзгилер Юсуф Акимавтор 1976 · 124 с.Читать: Таныш эзгилер
-
Сельбилер эбедий яшайлар экинджи къысым Рустем Алиавтор 1982 · 224 с.Читать: Сельбилер эбедий яшайлар: экинджи къысым
-
Сельбилер эбедий яшайлар Учюнджи къысым Рустем Алиавтор 1985 · 198 с.Читать: Сельбилер эбедий яшайлар: Учюнджи къысым