Сафтер Нагаев
Safter Nagayev
1941–2009 6 книг автор
Сафтер Нагаев 1941 сенеси январь 1-де Алушта районынынъ Кучюк Озен коюнде догъды. Бабасы дженк арфесинде хасталанып вефат этти. 1944 сенеси майыс 18-де дёрт яшында бала анасынен Озьбекистангъа сюргюн этиле. Оларнынъ къорантасы Фергъана виляетининъ Ленинград районына тюше„ Сафтер анда орта мектепни битире. 1957 сенеси Ташкент Девлет университетининъ журналистика факультетине кире. Сонъра гъиябий окъувгъа кечип, яшагъан районында оджалыкъ япа.
1963—1965 сенелери орду сафларында хызмет эте. Ордудан къайткъан сонъ, 1965 сенеси Ташкентте ана тилимизде чыкъкъан «Ленин байрагъы» газетасына ишке давет олуна. Бу, тесадюфий ал деталь эди. Матбуатта 1953 сенелеринден иштирак этап башлагъан Сафтер Нагаевнинъ макъалелери, икяе ве очерклери «Ударник» район эм де виляет, джумхуриет газеталарында басылып тура эдилер.
1965 сенесинден газетада эдебий хадим, болюк мудири олып чалышкъан Сафтер Нагаев 1987 сенеси Озьбекистан Языджылары бирлигине къырымтатар эдебияты боюнджа меслеатчы вазифесине авушты.
Сафтер Нагаев газетада чалышыркен, озюнинъ очерклеринен, публицистик макъалелеринен окъуйыджыларнынъ дикъкъатыны джельп этти. Тенкъид ве эдебиятшынаслыкънен де огърашып башлады. Озь акъранлары олгъан яш языджыларнынъ яратыджылыкълары ве аиры эсерлери акъкъында макъалелер язды. Исрарлы араштырувлар саесинде ымтатар романы, повестининъ шекилленюв ёллары ве инкишафы акъкъында монографиялар яратты. Онынъ 1979 сенеси чыкысъан «Яшлыкъкъа хас дуйгъунен» эдебий-тенкъидий макъалелер джыйынтыгъы къырымтатар эдебиятында сонъ девирлер яш эдиплерининъ иджатларыны талиль этювге багъышл ангъандыр.
Сафтер Нагаев етмишинджи сенелери эдебий асабалыгъымызны огренюв ве тедкъикъ этювнен джиддий огърашып башлады. Сеитумер Эминнен берабер, улу Ватан дженкинде эляк олгъан 12 къырымтатар эдибининъ эсерлерини топлап, оларнынъ озьлери акъкъында къыскъа малюматларнен «Он экилернинъ хатиреси» (1970) адлы джыйынтыкъны нешир эттирди.
Узун йыллар девамында Сафтер Нагаев мешур къырымтатар алимй ве шаири Бекир Чобан-заденинъ ильмий-иджадий фаалиетини огренди. Онынъ аяты ве фаалиетине багъышлап «Медений инкъиляп аскери» адлы весикъалы повесть язды.
Сафтер Нагаев эмек адамлары, дженк ветеранлары акъкъында бедиий очерклер ве бир къач весикъапы повестьлер яратты. Бу эсерлернинъ эксериети онынъ «Гонъюльге якъын адамлар» (1972), «Федакярлыкъ» (1976), «Сахраларнынъ алеви35 (1983), «Бинъ бир олюмни енъип» (1987), «Йылнамедеки излер» (1991), «Асыргъа мусавий омюр» (1995), «Исмаилбейнинъ Тюркиеге сефери» (1995) киби джыйынтыкъларына кирдилер.
Эдип, языджы Риза Фазылнен берабер» «Къырымтатар эдебияты тарихына бир назар» монографиясыны язды. Бу монография 1988— 1989 сенелери «Йьшдыз» меджмуасында ве «Ленин байрагъы» газетасында басылды.
Сафтер Нагаев Озьбекистан Джумхуриетининъ «Достлукъ» орденинен, журналистлер ве языджылар тешкилятларынынъ мукяфатларынен такъдирленгендир. О, Языджылар бирлигининъ азасы эди. О, 2009 сенеси июль 2-де Акъмесджит шеэринде вефат этти.
Источник: З. Къуртнезир, «Къырымтатар эдиплери» (2014), статья №157 Открыть книгу-источник
-
Гонъюльге якъын адамлар Сафтер Нагаевавтор 1972 · 50 с.Читать: Гонъюльге якъын адамлар
-
Йылнамелердеки излер Сафтер Нагаев
Йылнамелердеки излер
1991 · автор
автор 1991 · 302 с.Читать: Йылнамелердеки излер -
Асыргъа мусавий омюр Сафтер Нагаев
Асыргъа мусавий омюр
2004 · автор
автор 2004 · 108 с.Читать: Асыргъа мусавий омюр -
Йылдыз 2006, № 1 Иса Абдураман
Йылдыз: 2006, № 1
2006 · автор
автор 2006 · 164 с.Читать: Йылдыз: 2006, № 1 -
Гъурбетте къалгъан эдждатларымызнын хатырасы Экинджи китап Сафтер Нагаевавтор 2013 · 324 с.Читать: Гъурбетте къалгъан эдждатларымызнын хатырасы: Экинджи китап
-
Къырымтатар эдебиятынын тарихы Риза Фазылавтор 2015 · 320 с.Читать: Къырымтатар эдебиятынын тарихы