Урие Эдемова
Üriye Edemova
1938 8 книг автор, составитель
Урие Эдемова 1938 сенеси апрель 23-те Балыкълава районыньшъ Байдар коюнде дюньягъа кельди. Сюргюнлик йылларында Озьбекистанда — Сырдарья виляетининъ Сырдарья районындаки Навоий коюнде яшады. Орта мектепни анда битирди. Ондан сонъ Ташкент тиббият техникумында окъуды. Озь зенааты боюнджа чалышаракъ, виляет, джумхуриет газеталарына макъалелер, икяе ве очерклер язьш башлады. Онынъ журналистикагъа авеслиги Ташкент Девлет университетине кирмесине себеп олды.
Окъувыны мувафакъиетнен екюнлеген Урие Эдемова 1965 сенеси «Ленин байрагъы» газетасына ишке алынды. Анда 1971 сенесине къадар уйкен эдебий хадим олып чалышты. Бу девирде онынъ икяелери, очерклери газета саифелеринде сыкъ-сыкъ басылып башладылар.
1971 сенеси Урие Эдемова Гъафур Гъулам адына Эдебият ве санат нешриятындаки къырымтатар эдебияты болюгине ишке авушты. Анда он еди йыл муаррирлик, бунынънен бирликте 1976— 1979 сенелери девамында «Йылдыз» альманахына месуль кятиплик япты. 1987 сенеси бу болюкнинъ башы вазифесине кечирильди. 1992 сенеси Къырымгъа кочьти, болюкни де ватангъа авуштырды. 2000 сенесинедже «Таврия» нешриятында къырымтатар эдебияты ве санаты болюгине реберлик яптцы.
Урие Эдемованынъ «Къырмызы гуль» адлы биринджи икяелер джыйынтыгъы 1970 сенеси нешир этильди. Ондан сонъ языджынынъ «Нишан юзюги» (1974), «Омюрлик янымдасынъ» (1977), «Баш язысы» (1981), «Юрек атеши» (1985) икяелер ве повестьлер джыйынтыкълары басылып чыкъты. Сонъки вакъытларда Урие Эдемова ири планда эсерлер^узеринде чалыша. Онынъ «Айдын геджеде» романы «Йылдыз» меджмуасында (1990, № 6, 1991, № 1) дердж олунды. 2005 сенеси роман айры китап оларакъ нешир этильди. Шимди о бу романнынъ экинджи китабы узеринде чалышмакъта.
Языджынынъ «Къара козьлер» икяелер китабы (1983) ве «Омюрлик янымдасынъ» повести (1987) озьбек тилине терджиме олунып басылды. Озь невбетинде, Урие Эдемова озьбек языджыларындан бир чокъунынъ эсерлерини, бунынъ киби де, И. С. Тургеневнинъ «Биринджи севги» ве «Арфе» эсерлерини ана тилимизге чевирди. Олар 1986 сенеси китап оларакъ нешир олундылар.
Урие Эдемова «Къырмызы гуль», «Нишан юзюги» эсерлери ичюн 1977 сенеси Озьбекистан комсомолы мукяфатынынъ лауреаты олды. 2013 сенеси о «Айдын геджеде» романы ичюн Украина языджылары миллий бирлиги Къырым джумхуриети тешкилятынынъ Шамиль Алядин адына эдебий мукяфаткъа наиль олды. Урие Эдемова Языджылар бирлигининъ азасыдыр. Акъмесджит шеэринде яшай.
Источник: З. Къуртнезир, «Къырымтатар эдиплери» (2014), статья №153 Открыть книгу-источник
-
Edemova uriye omurlik yanimdasin Урие Эдемова
Edemova uriye omurlik yanimdasin
1977 · автор
автор 1977 · 198 с.Читать: Edemova uriye omurlik yanimdasin -
Чебер эллер Урие Эдемова
Чебер эллер
1981 · составитель
составитель 1981 · 262 с.Читать: Чебер эллер -
Йылдыз 1999, № 3 Ильяс Бахшышавтор 1999 · 164 с.Читать: Йылдыз: 1999, № 3
-
Йылдыз 2006, № 1 Иса Абдураман
Йылдыз: 2006, № 1
2006 · автор
автор 2006 · 164 с.Читать: Йылдыз: 2006, № 1 -
Къырымтатар халкъынын къараман къызы Урие Эдемова
Къырымтатар халкъынын къараман къызы
2020 · составитель
составитель 2020 · 505 с.Читать: Къырымтатар халкъынын къараман къызы -
Сайлама эсерлер Учь томлыкъ. Биринджи том Урие Эдемоваавтор 2020 · 497 с.Читать: Сайлама эсерлер: Учь томлыкъ. Биринджи том
-
Баш язысы Урие Эдемова
Баш язысы
автор
авторЧитать: Баш язысы -
Гирайбай Амди. Шиирлер. Амди Гирайбай
Гирайбай Амди. Шиирлер.
составитель
составитель 143 с.Читать: Гирайбай Амди. Шиирлер.