Перейти к основному содержанию
урф-адетлеримизни унутмайыкъ

 

Абдураман Бариев 1897 сенеси Керчь ярымадасындаки Аджы-Менди коюнде дюньягъа кельген. 1906-1908 сенелерде къомшу Сыджывут коюндеки башлангъыч мектепте тасиль алгъан, 1909-1910 сенелерде Джавтобе медресесинде тюрк ве арап тиллерини огренген, сонъра Коль-Алчын, Сараймен медреселеринде окъугъан.
     1912-1913 сенелерде Багъчасарайдаки Зынджырлы медреседе окъуп, тувгъан кою Аджы-Мендиге къайта ве мында оджалыкъ япа. Акъмесджитте нешир олунгъан "Татар оджапче" газетасында Абдураман Бариев къырымтатар халкъ яратыджылыгъына багъышлангъан рубриканы алып баргъан ве шу рубрика алтында аталар сёзлери, айтымлар, шиирлер, манелер ве чынъларны дердж эткен. 1917-1921 сенелерде Абдураман оджа бир заманларда озю окъугъан Джавтобе медресесинде дерс берген. Дженк арфесинде кене тувгъан Аджы-Мендысинде оджалыкъ япкъан. Къырым девлет архивининъ Халкъ маарифи комиссариатынынъ фондында Ленин районында 1932-33 сенелерде чалышкъан оджаларнынъ джедвели берилип, мектеп мудири Абдураман Бариев кулак огълу ве миллий фыркъаджы сыфатында сынфий душманлар сырасында къайд этиле.
     Сюргюнликте фольклорджы оджа дюльгер, сув агълары саасында невбетчи олып чалышкъан. Къырымтатар халкъы миллий арекети башлангъан йылларда Абдураман оджа миллий курешке биринджилер сырасында къошула. Аджы-Менды кою сакинлерининъ адлары-сойадлары иле джедвелини тизип, миллий арекетчилеримиз япкъан къырымтатар эалисини джедвельге алув, дженкте иштиракини, сюргюнликнинъ ильк сенелеринде гъайып олувынынъ сайысыны бельгилев ишинде иштирак эте. Озюнинъ баш макъсадыны халкъ агъыз яратыджылыгъы нумюнелерини, Харджибие коюнде оджалыкъ япкъан белли шаиримиз Усеин Шамиль Токътаргъазы акъкъында къыйметли малюматларны, 20-нджи асырнынъ ильк йылларында медреселердеки тасиль, Къырым тарихы боюнджа малюматлар топлавда корьген Абдураман Аджымендили миллий арекетимизге салмакълы иссесини къошты.
     Абдураман оджанынъ хызметлеринден белли языджымыз Шамиль Алядин Усеин Шамиль Токътаргъазыгъа багъышлангъан "Иблиснинъ зияфетине давет" эсеринде, тильшынасымыз Басыр Гъафаров, фольклорджы алимимиз Рефикъ Музаффаров, "Къырымтатар эдебиятынынъ тарихы"нынъ муэллифлери Риза Фазыл ве Сафтер Нагаев ве дигерлери файдаландылар.
     Абдураман оджа "Чора Батыр", "Эдиге" киби къырымтатар дестанларынынъ вариантларыны язып алгъан, "Халкъ эдебияты" эльязмасыны къалдыргъан. Озюнинъ "Хатирелерим" адлы къолязмасында икяе эттиги 1906 сенесинден 1934 сенесине къадар вакъиаларда къырымтатар халкъынынъ тарихыны акс эттирген. Онда оджа чешит-тюрлю окъув муэссиселеринде, шу джумледен Зынджырлы медреседе де, окъувыны этрафлыджа тарифлей, Къырымда граждан дженки, инкъиляб, ачлыкъ, коллективлештирюв киби вакъиалар акъкъында икяе эте.
     Абдураман Бариев бизлерге салмакълы къырымтатар лугъатынынъ зарурлыгъыны анълагъан ве лугъат тешеббюсинен бир чокъ алимлерге, шу джумледен филолог Басыр Гъафаровнен пайлашкъан. Озь мектюбинде Басыр агъа: "Къыйметли ве унутылмаз Абдураман оджам!... Къырымтатар лугъатыны япмакъ фикиринъиз пек догъру, мен бутюн барлыгъым иле тешеббюсинъизге къолтутам ве къошулам. Бу шейнинъ бизлерге пек буюк файдасы олур. О, тилимиз башкъа тиллер арасында туткъан ери, тарихы ве эмиетини айдынлатувда пек буюк роль ойнар", деп язгъан.
     Ашагъыда биз Абдураман Бари Аджымендилининъ "Хатирелерим" къолязмасындан бир парчасыны (олгъаны киби) дикъкъатынъызгъа авале этемиз.
 
*   *   *
 
1911-1912-НДЖИ ЙЫЛЫ САРАЙМЕН МЕДРЕСЕСИНДЕ
 
     1911 сенеси салкъын кузьде Абла акъамнынъ тоюны тойлагъан сонъ бабам мени хаста ятса да Сараймен медресесине ёллады. Манъа оны хаста алында быракъып, медресеге кетмек пек агъыр кельди. Келяй акъай мени тачанканен Сараймен медресесине кетирип ташлады. Биз уйле вакъытларында медресенинъ дерсханесине тюштик. Дерсханенинъ кучюк одасына барып тюшер-тюшмез яхшыджа кийинген 30-32 яшларында бир адам кельди. Бу адам енъи дерстен чыкъкъан я мудеррис ве я эсли бир сохта зан этилир эди. Мен буны медресенинъ мудерриси Сейт-Мурад эфендидир, десем, онынъ не сарыгъы, не сакъалы, не джуббеси бар эди. О, мудеррис къыяфетинде дегиль эди. О бизнен бираз лакъырды этти. Бундан сонъ мен Шейхрази боюкнинъ одасына кеттим. Онда ер толу болгъанындан мен ойсуллы Усеиннинъ одасына ерлештим. Медресеге талебелер топлангъан, дерслер башлангъан, эр кес окъугъан дерслери боюнджа сыныфларгъа айырылгъанлар. Медреседе 100-ден зияде талебе олып, * одагъа ерлешкен ве шу боюклер идаресинде топлангъан эдилер:
 
   1. Нусредин Кемал эфенди
   2. Шейхрази Эбулейс эфенди
   3. Ахмед эфенди
   4. Абдулла эфенди
   5. Усеин Ильяс
   6. Сейтджелиль Гъаний
   7. Менсеит
   8. Сейфедин боюклер.
 
     Сараймен медресеси окъутув усулы джеэтинден Къырымнынъ башкъа медреселеринден айырыла эди. Мында окъув, окъутув усуллары бираз янъы ве эски медреселерге коре арткъач эди. О заманда Къырымда мешур олгъан шу медреселер бар эди:
 
   1. Багъчасарайда Зынджырлы медресе ве Хан медресеси
   2. Озенбаш медресеси
   3. Тавдаир медресеси
   4. Кулюмби медресеси
   5. Сараймен медресеси ве иляхре.
 
     Бу медреселернинъ эписинде окъув арапча ве эски схоластик шекильде эди. 1906-1907-нджи йылларда Истанбулдан кетирильген алим Мустафа деген бир мудеррис Сараймен медресесини эски усулдан бираз темизлеген эди. Бу эфенди акъай эки йыл къадар окъуткъан сонъ Тюркиеге къайткъан ве мудеррис оларакъ онынъ ерине аслен къырымлы болгъан Сейтмурад эфенди кетирильген эди.
 
САРАЙМЕН МЕДРЕСЕСИНДЕ ОКЪУВ ВЕ ЯШАЙЫШ
 
     Боюклер деп айтылгъан эсли ве баш сохталарнынъ одаларында он экишер ве даа зияде сохта булуныр эди. Одалар кийизнен тёшелип, дивар этрафында миндерлер тизильген адий татар эвлери киби эди. Сохталар ашайт ичюн джемиетке айда 5 (яхут зияде) рубле пара къошып умумий ашханадан эр кунь экишер фунт отьмек ве куньде бир кере уйле ашы (ичинде 100-ер грамм эти болгъан къапыста, макарон, пирнич шорба) алыр эдилер. Къалгъан саба ве акъшамлыкъ ашны сохталар озьлери тедарик этер эдилер. Я чай къайната, яхут тюкяндан консерва, зейтун, пенир, алва алыр ве бунынъле кечинир эдилер. Ашханада аш пиширген, сув кетиргенлернинъ акъкъыны Сулейман аджыакъай бере эди. Мудерриснинъ эмек акъкъыны да Сулейман аджы бере эди. Эсас этибарынен медресенинъ башы, директоры Сулейман аджы эди. Медресенинъ йылда эки кере татили олыр эди: къыш ве узун муддетли яз даркъавлары. Бу даркъавларда талебелерни имтиан япа эдилер. Имтианлар афталарнен девам этер, бунъа бутюн Керчь койлеринден дин алимлери болгъан эфендилер келир эди.
     Сараймен медресесининъ энъ парлакъ вакъты тамам бу сенеде эди. Бу йыл медреседе эм талебе чокъ эди, эм медресеге бу сене Тюркие рушдие мектеби программасынджа тюркий дерслер( мектеп яни там олмагъан орта мектеп дерслери) кирсетильген эди. Сулейман аджы акъайларнынъ ве байларнынъ, эфенди акъайларнынъ ве мудерриснинъ бундан макъсадлары эм молла, эм оджа етиштирмек олса керек. Тюркий дерслерни Тюркие дарульмуаллиминини (учительская семинария) яхут педучилищени битирген къаячыкълы Ходжамет эфенди окъута эди. Мудерриснинъ бутюн талебелери рушдиенинъ 1 ве 11 сыныфларына болюнген эди.
     Арапчадан шу илимлер окъутула эди:
 
   1. Усул - энъ буюк фельсефе, диний фельсефе - буны мудеррис Сейтмурад эфенди окъута эди. Буны энъ эсли талебелерден Мусрединнен Шейхрази окъуй эдилер.
   2. Тельхис - арап эдебияты, мааний ве акъаит - буны да мудеррис окъутты. Бунда 10-12 адам олып, чокъусы боюнлер окъуй эдилер.
   3. Джами дерси - буны Мусредин эфенди окъута эди.
   4. Изъар - буны Шейхрази эфенди окъута эди.
   5. Сарф - буны Усеин Ильяс окъута эди.
 
     Медреседе дерслерге чалышмакъ ичюн акъшамлары талебелер гедженинъ ярысына къадар ве даа зияде вакъыт огъраша эдилер. Кучюк талебелер джамиге топлана, окъув ерине оюннен вакъыт кечире эдилер.
     Мен озюм изъарчы эдим. Тюркче 1-нджи сыныфта окъуй ве шу сыныфнынъ илери кельген аляджысы эдим.
 
ТАЛЕБЕЛЕР АРАСЫНДА ГАЗЕТА, ЭДЕБИЙ КИТАП ОКЪУВ ИШЛЕРИ
 
     Талебелер арасында тюркче газеталар, журналлар, эдебий китаплар, роман, икяе окъугъанлар чокъ эди. Лякин бу ишлер тешкилятсыз кете эди. Эдебий тёгерек деген шейнинъ о заман исми биле ёкъ эди. Истанбулдан, Къазандан, Оренбургдан, Багъчасарайдан бир чокъ журнал ве газеталар, эдебий китаплар алына эди. Затен телебелернинъ окъугъан дерсликлери болгъан география, тарих, эсап, сарф-нахв илях - эписи Истанбулнынъ тюркче китаплары эди. О замандан талебелер ве татар халкъы ялынъыз сиясий джеэттен Русиеге таби эдилер. Эдебият, эдебий тиль, медений джеэттен олар ыркъдашлары ве диндашлары болгъан тюрклерге таби ве ортакъ эдилер. Мектеплер тюркче, тюрк ислямиети алтында эди. Медреселер де тюрк ислям тесири астында эдилер. Медресе ве мектеплернинъ чокъусында тюрк оджалары, тюрк мудеррислери бар эди. Китапларнынъ эксериети Тюркиеден кельме китаплар. Балаларнынъ алгъан тербие ве бильгиси айны тюрк тербиеси ве бильгиси эди. Къырымдан Истанбул мектебинде окъугъан яшлар чокъ эди. Бу саеде татар халкъы ве сохтасы Русиеге душман, чаризмге душман тюркчи ве ислямджы олып етише эдилер.
     1911 сенеси Италия девлети озюнинъ колониаль сиясетини омюрге кечирмек ичюн тюрклернинъ къолунда болгъан Траблыс гъарп ве Бенгъазыгъа уджюм япты. Бу себептен Италия-Тюркие дженки башлады. Дженк бутюн мусульман халкъларынынъ итальянларгъа къаршы нефрет ве душманлыгъыны мейдангъа кетирди.
     Траблыс гъарпта ве Бенгъазийде тюрк аскерлеринен бирликте ватаныны къорчалав огърунда къараманджа итальянларгъа къаршы дженклешкен арап халкълары ве тюрк аскерлерининъ йигитлик ве батырлыкъларыны сохталар алгъышлай ве дженк хаберлерини куню-кунюне газеталардан излей эдилер. Мен о заман биринджи шииримни язгъан эдим:
 
     Итальянларны магълуп этти
     Османлы къараманлары
     Траблысны сувлай
     Италия аскер алкъанлары.
      Шиирим боюнлер ве медресе талебелери арасында даркъалды.
 
     Сараймен медресесинде хусусий имтиан (къышта) тахририй, яни язылы болгъан эди. Ходжамет эфенди тахтагъа эр дерстен суаллер язгъан ве бу суаллерге биз язма оларакъ джеваплар берген эдик. Бу бир такъым талебелер ичюн эльверишли олып чыкъты. Чюнки талебелернинъ бир чокълары бир-бирлеринден кочюрип алдылар. Баарьдеки имтиан исе соравларнен олды. Арапчадан имтианны бизден изъарь дерсинден Кончекли мешур Зинабадин эфенди алгъан эди.
 
Неширге Зера Бекирова азырлады.
 
     Муэллиф Абдураман оджа Бариге багъышлангъан мезкюр саифелеримиз ичюн къыйметли малюматларны ве оджанынъ къолязмаларыны такъдим эткен Абдураман Барининъ къызы Къасиде Бариевагъа ве Москвада яшагъан торуны, "Крымскотатарская проблема. 1944-1991" китабынынъ муэллифи, тарихчы Гульнара Бекировагъа терен миннетдарлыгъыны бильдире. Гульнара ханым къартбабасы акъкъында ве онынъ эсерлеринден тертип этильген китап чыкъармакъны арзу эте. Алла онынъ бизлер ичюн бу зарур ишинде ярдымджы олсун.
 
Abduraman Bari Acımendili - Halq ocası 
 
 Abduraman Bariyev 1897 senesi Keriç yarımadasındaki Acı Mendi köyünde dünyağa kelgen. 1906 – 1908 senelerinde qomşu Secevut köyündeki başlanğıç mektepte tasil alğan, 1909 - 1910 senelerinde Cav Töbe medresesinde Türk ve Arap tillerini ögrengen, soñra Kol Alğıç, Saray Miñ medreselerinde oquğan. 1912 – 1913 senelerinde Bağçasaraydaki Zıncırlı medresede oqup, tuvğan köyü Acı Mendige qayta ve mında ocalıq yapa. Aqmescitte neşir olunğan “Tatar Ocapçe” gazetesinde atalar sozleri, aytımlar, şiirler, maneler ve çıñları derc etqendir. 1917 – 1921 senelerinde Abduraman oca bir zamanlar özü oqugan Cav Töbe medresesinde ders bergen cenk arfesinde kene tuvğan Acı Mendisinde ocalıq fondunda Lenin rayonında 1922- 1923 senelerde çalışqan ocalarnıñ cedveli berilip, mektep müdiri Abduraman Bariyev kulak oğlu ve milliy fırqacı sıfatında sınfiy duşmanlar sırasında qayd etile.
 
Sürgünlikte folklorcı oca dülger, suv ağları saasında nevbetçi olıp çalışqan. Qırımtatar halqı milliy areketi başlanğan yıllarda Abduraman oca milliy küreşke birinciler sırasında qoşula. Acı Mendi köyü sakinleriniñ adları – soyadları ile cedvelini tizip, milliy areketçilerimiz yapqan Qırımtatar ealisini cedvelge aluv, cenkte iştirakini, sürgünlikniñ ilk senelerinde ğayıp oluvınıñ sayısını belgilev işinde iştirak ete. Özüniñ baş maqsadını halq ağız yaratıcılığı nümünelerini, Harcibiye köyünde ocalıq yapqan belli şairimiz Üsein Şamil Toqtarğazı aqqında qıymetli malümatlarnı, XX asırnıñ ilk yıllarında medreselerdeki tasil, Qırım tarihı aqqında malümatlar toplavda körgen Abduraman Acımendili milliy areketimizge salmaqlı issesini qoştı.
 
Abduraman ocanıñ hızmetlerinden belli yazıcımız Şamil Alâdin, Şamil Toqtarğazığa bağışlanğan “İblisniñ ziyafetine davet” adlı eserinde, tilşinasımız Basır Ğafarov, folklorcı alimimiz Refiq Muzaffarov “Qırımtatar edebiyatınıñ tarihı”nıñ müellifleri Rıza Fazıl ve Safter Nogayev ve digerleri faydalandılar.
 
Abduraman oca “Çora Batır”, “Edige” kibi Qırımtatar destanlarınıñ variantlarını yazıp alğan, “Halq edebiyatı” el yazmasında ikâye qaldırğan. Qırımda grajdan cenki, inqilâp, açlıq, kollektivleştirüv kibi vaqialar aqqında ikâye ete.
 
A. Bariyev bizlerge salmaqlı Qırımtatar luğatınıñ zarurlığını añlağan ve luğat teşebbüsinen bir paylaşqan. Öz mektübinde Basır ağa: “Qıymetli ve unutılmaz Abduraman ocam! Qırımtatar luğatını yapmaq fikriñiz pek qoşulam. Bu şeyniñ bizlerge pek büyük faydası olur. O, tilimiz başqa tiller arasında tutqan yeri, tarihı ve emiyetini aydınlatuvda pek büyük rol oynar.” dep yazğan.
 
Aşağıda biz Abduraman Bari Acımendiliniñ “Hatirlerim” qol yazmasından bir parçasını (olğanı kibi) diqqatınızğa avale etemiz.
 
1911 – 1912. yılı Saray Miñ medresesinde
 
1911 senesi salğın küzde Abla Aqamnıñ toyunı toylağan soñ babam meni hasta yatsada Saray Miñ medresesine yolladı. Maña onı hasta alda bıraqıp, medresege ketmek pek ağır keldi. Biz üyle vaqıtlarında medreseniñ dershanesine tüştik. Dershaneniñ küçük odasına barıp tüşer – tüşmez yahşıca kiyingen 30 – 32 yaşlarında bir adam keldi. O, bizneñ biraz laqırdı etti. Bundan soñ men, Şeyhrazi boyukniñ odasına kettim. Medresede 100-den ziyade talebe olıp, odağa yerleşken ve şu boyukler idaresinde toplanğan ediler:
 
1 - Nusredin Kemal Efendi.
2 - Şeyhrazi Ebuleys Efendi
3 - Ahmed Efendi.
4 - Abdulla Efendi.
5 - Üsein İlyas
6 - Seyt Celil Ğaniy
7- Mensait
8 - Seyfedin boyukler.
 
Saray Miñ medresesi oqutuv usulı ceetinden Qırımnıñ başqa medreselerinden ayırıla edi. Mında oquv, oqutuv usulları biraz yañı ve eski medreselerge köre çıtqaç edi. O zamanda Qırımda meşur olğan şu medreseler bar edi:
 
1 - Bağçasarayda Zıncırlı medrese ve Han medresesi.
2 - Özenbaş medresesi.
3 - Tav Dayır medresesi.
4 - Kulümbi medresesi.
5 - Saray Miñ medresesi ve ilâhre.
 
Bu medreselerniñ episinde oquv Arapça ve eski sholastik şekilde edi. 1906 – 1907. Yıllarda İstanbulda ketirilgen Alim Mustafa degen bir müderris olaraq onıñ yerine aslen Qırımlı bolğan Seytmurad Efendi ketirilgen edi.
 
Saray Miñ medresesinde oquv ve yaşayış
 
Boyükler dep aytılğañ eski ve baş sohtalarnıñ odalarında 12 şer ve daa ziyade sohta bulunır edi. Odalar kiyiznen töşelip, divar etrafında minderler tizilgen adiy Tatar evleri kibi edi. Sohtalar aşayt içün cemiyetke ayda 5 (yahut ziyade) ruble para qoşıp umumiy aşhanadan er kün ekişer funt ötmek ve künde bir kere üyle aşı (içinde 100 er gramm eti bolğan qapısta, makaron, pirniç şorba) alır ediler. Ya çay qaynata, yahut tükândan konserve, zeytün, penir, elva alır ve bunıñle keçinir ediler. Esas itibaren medreseniñ başı, direktorı Suleyman Acı edi. Medreseniñ yılda eki kere tatili olur edi: qış ve uzun müddetli yaz darqavları. Bu darqavlarda talebelerni imtian yapa ediler. İmtianlar aftalarneñ devam eter, buña bütün Keriç köylerinden din alimleri bolğan efendiler kelir edi.
 
Saray Miñ medresesiniñ eñ parlaq vaqtı tamam bu senede edi. Bu yıl medresede em talebe çoq edi, em medresege bu sene Türkiye ruşdiye mektebi programmasınca Türkiy dersler kirsetilgen edi. Suleyman Acı aqaylarnıñ ve baylarnıñ, efendi aqaylarnıñ ve müderrisniñ bundan maqsatları em molla, em oca yetiştirmek olsa kerek. Müderrisniñ bütün talebeleri ruşdiyeniñ 1-inci ve 11-inci sınıflarına bölüngen edi.
 
Arapçadan şu ilimler oqutıla edi:
1 - Usul – eñ büyük felsefe, diniy felsefe – bunı müderris Seytmurad Efendi oquta edi. Bunı eñ esli talebelerden Musredinen, Şeyhrazi oquv ediler.
2 - Telhis – Arap edebiyatı, maaniy ve aqaid – bunı da müderris oquttı. Bundan 10-12 adam olıp, çoqusı boyünler oquy ediler.
3 - Cami dersi – bunı Müsredin Efendi oquta edi.
4 - İzar – bunı Şeyhrazi Efendi oquta edi.
5 - Sarf – bunı Üsein İlyas oquta edi.
 
Medresede derslerge çalışmaq içün aqşamları talebeler geceniñ yarısına qadar ve daa ziyade vaqıt oğraşa ediler. Küçük talebeler camige toplana, oquv yerine oyunnen vaqıt keçire ediler.
 
Men özüm izarçı edim. Türkçe birinci sınıfta oquy ve şu sınıfnıñ ileri kelgen alâcısı edim.
 
Talebeler arasında gazeta, edebiy kitap oquv işleri
 
Talebeler arasında Türkçe gazetalar, jurnallar, edebiy kitaplar, roman, ikâye oquğanlar çoq edi. Lâkin bu işler teşkilâtsız kete edi. Edebiy tögerek degen şeyniñ o zaman ismi bile yoq edi. O zamandan talebeler ve Tatar halqı yalıñız siyasiy ceetten Rusiyege tabi ediler. Mektepler Türkçe, Türk İslâmiyeti altında edi. Qırımdan İstanbul mektebinde oquğan yaşlar çoq edi. Bu sayede Tatar halqı ve sohtası Rusiyege duşman, çarimizge duşman, Türkçü ve İslâmcı olıp yetişe ediler.
 
1911 senesi İtaliya devleti özüniñ kolonial siyasetini ömürge keçirmek içün Türklerniñ qolunda bolğan Trablusğarp (Tripoli) ve Benğazığa ücüm yaptı. Bu sebepten İtaliya – Türkiye cenki başladı. Cenk bütün musulman halqlarnıñ İtalyanlarğa qarşı nefret ve duşmanlığını meydanğa ketirdi.
 
Trablusğarpta ve Benğazıda Türk askerleriynen birlikte vatanını qorçalav oğrunda qaramanca İtalyanlarğa qarşı cenkleşken Arap halqları ve Türk askerleriniñ yigitlik ve batırlıqlarını sohtalar alqışlay ve cenk haberlerini künü – kününe gazetalardan izley ediler. Men o zaman birinci şiirimni yazğan edim:
 
İtalyanlarnı mağlüp etti
Osmanlı qaramanları
Trablusnı suvlay
İtaliya asker çıqanları
 
>
Saray Miñ medresesinde hususiy imtian (qışta) yazılı bolğan edi. Hocamed Efendi tahtağa er dersten sualler yazğan ve bu suallerge biz yazma olaraq cevaplar bergen edik. Bu bir taqım talebeler içün alverişli olıp çıqtı. Çünki talebelerniñ bir çoqları bir-birlerinden köçürip oldılar. Baardeki imtian ise soravlarnen oldı. Arapçadan imtiannı bizden izar dersinden könçekli meşur Zinabadin Efendi olğan edi.
 
Müellifniñ notu:
 
Müellif Abduraman oca Barige bağışlanğan mezkür saifelerimiz içün qıymetli malümatlarnı ve ocanıñ qolyazmalarını taqdim etken Abduraman Barinin qızı Qaside Bariyevağa ve Moskvada yaşağan torunı “Kırımskotatarskaya problema. 1944 – 1991” kitabınıñ müellifi, tarihçı Gülnara Bekirovağa teren minnetdarlığını bildire. Gülnara hanım qartbabası aqqında ve onıñ eserlerinden tertip etilgen kitap çıqartmaqnı arzu ete. Alla onıñ bizler içün bu zarur işinde yardımcı olsun.
 
  
 
Zera BEKİROVA
 
KALGAY Dergisi, Ocak – Şubat – Mart 2005, Sayı: 35, Sahife16 – 17 - 18
 
Абдураман Бариев1 родился в 1897 году в деревне Аджи-Менды Петровской волости Феодосийского уезда. В 1906-1908 гг. учился в начальной школе в соседней деревне Сыджеут, в 1909-1910 гг. - в медресе Джав-тобе, где изучал турецкий и арабский языки.
     В апреле 1912 года умер его отец Бари, и осенью того же года Абдураман отправился в Бахчисарай, где в 1912-1913 гг. учился в Зынджирлы медресе.
     После обучения, в 1915-1917 гг., преподавал в родной деревне Аджи-Менды.
     Как пишет А.Бариев в своих воспоминаниях, в 1917 году в симферопольской газете "Татар оджапче" (Татарский учитель) он вел рубрику, посвященную крымскотатарскому фольклору, где публиковались песни, пословицы, поговорки, стихи, скороговорки и другие образцы устного народного творчества2.
     В 1917-1921 преподавал в медресе в Джав-тобе.В 1922 году вернулся в Аджи-Менды, в следующем году женился и до начала Великой Отечественной войны учительствовал в родной деревне.
     В Государственном архиве Крыма в фонде Наркомпроса за 1932-1933 гг.
   Абдураман Бариев
Абдураман Бариев, май 1968
из личного архива Г.Бекировой
 
сохранился список учителей Ленинского района, в котором завшколой Абдураман Бариев был назван в числе "классово-чуждых" - как "сын кулака и миллифирковец"3. Удивительно, но при такой нелестной характеристике дед не был репрессирован, хотя в 1937-1938 гг. были арестованы и погибли два брата его жены - тоже учителя (один из них, Сеит Мамбет, также фигурировал в упомянутом списке среди "классово-чуждых" - как "сын муллы").
     С августа 1941 г. А.Бариев - в Красной армии, после войны нашел свою семью уже в депортации - в поселке Южный Аламышик Андижанской области. В спецпоселении трудился плотником на пилораме, дежурным на водокачке. В 1957 г. вышел на пенсию.
     Как и все крымские татары, дед мечтал вернуться на родину, живо интересовался перспективами возвращения у тех, кого сегодня принято называть "активистами крымскотатарского движения", оказывал посильную помощь посланцам народа, снаряжаемым в Москву для переговоров с руководством страны по поводу решения крымскотатарского вопроса. Будучи к моменту становления движения в конце 1950-60-х гг. достаточно пожилым человеком, свое основное предназначение дед видел в том, чтобы зафиксировать крымскотатарский фольклор, важнейшие события истории. Учитель с четвертьвековым стажем, он не раз говорил дочери Къасиде: "Я не учитель, я историк".
     Сохранились записанные им варианты крымскотатарских дестанов "Чора Батыр" и "Эдыге", рукопись "Халкъ эдебияты (фолклор)" (ее составили крымскотатарские пословицы и поговорки), рукописи воспоминаний (с 1906 по 1934 гг. и с 1941 по 1943 гг. - "о военных годах"), генеалогическое древо рода, различные заметки по истории Крыма и многое другое. Писал дед в основном на крымскотатарском языке кириллицей и арабицей, реже - латиницей.
     К сожалению, архив Абдурамана Бариева раздроблен (бумаги разошлись между детьми и родственниками), и это не дает целостного представления о его работе и переписке. Тем не менее даже те материалы, что сохранились в нашем семейном архиве, заслуживают внимания.
     Значительный интерес представляет рукопись "Хатирелерим" (Мои воспоминания) - в которой Бариев описывает свою жизнь с 1906 по 1934 гг. Это жизнеописание с раннего детства до наступления зрелости является вместе с тем ценнейшим источником по истории Крыма и крымских татар. Бариев не только подробно описывает свою учебу в различных заведениях (в том числе в знаменитом Зынджирли медресе) и начало трудовой деятельности, но и подробно останавливается на событиях революции и гражданской войны в Крыму, рассказывает о голоде 1921-1922 гг., о периодах нэпа и коллективизации.
     В мемуарной литературе объектом обычно выступает автор. В этом смысле воспоминания Абдурамана Бариева не вполне типичны. Главное действующее лицо его мемуаров - время, которое проживает повествователь, основное в его воспоминаниях - фиксация исторических фактов и эпизодов современной ему эпохи.
     Воспоминания Бариева продиктованы не желанием непременно поведать миру о себе, а настоятельной необходимостью рассказать будущим поколениям то, что может знать о своем времени участник и очевидец событий. Такая завороженность течением Времени, сменой вех и эпох очень характерна для миросозерцания историка, летописца, хроникера. И эта особенность Бариева-автора воспринимать описываемую им жизнь как историческую реальность делает его мемуары интереснейшим источником для исследователя-историка.
     Большую ценность имеет рукопись в 2-х частях "Дженк йиллары хатирелери" - мемуары о войне4. Это подробное хроникальное повествование, в основу которого, по-видимому, были положены записи военных дневников (по свидетельству дочери Къасиде, "отец писал всегда").
     В первой части рукописи Бариев подробно, буквально по дням - с 23 июня 1941 по 15 мая 1942 гг.,- описывает начало и ход военных действий в Крыму, свою службу в 51-й армии Крымфронта, где он - по причине " хорошего почерка и грамотности" - стал писарем 476-го полка. Вторая часть рукопиcи - "Сырткъы Кафказда" - посвящена войне на Северном Кавказе, где Бариев оказался после отступления 51-й армии, плена и фильтрационного лагеря. События второй части происходят в июне 1942-январе 1943 гг.
     Описанная им война - это не война военачальников и полководцев, победоносная и героическая. Это война рядового - настоящая, неприукрашенная, в которой тягостные будни перемежаются короткими радостями, где предательство и героизм, жизнь и смерть ходят рядом.
     В семейном архиве сохранились не только работы А.Бариева по истории и фольклористике, но и переписка, в том числе с известными деятелями крымскотатарской культуры - писателем Шамилем Алядином, филологом Басыром Гафаровым, фольклористом Рефиком Музафаровым.

 

Категория

Источник
http://medeniye.org/forum/index.php/topic,648.0.html